大發茶餐廳 (已結業)

有時下午好晏食lunch，勁肚餓但又要再趕工，不如同啲同事一齊快食餐飯先再努力，附近有間茶餐廳又有蠔仔粥又有小菜食，一於試下。茶餐廳就響雀仔街附近。呢度嘅選擇都好多，而且一啲都唔貴。叫餸食飯都只係幾十蚊！就算灣仔返工都唔使下下碟頭飯咁慘嘅！蠔仔粥好鮮甜，蠔仔好肥！飯都煙韌！呢排天氣熱左食蠔仔粥剛剛好！開胃唔洗咁漏喉。唔想食太多肉，叫咗個羅漢齋豆腐，豆腐夠滑對板，冬菇厚，有鑊氣！送飯一流！另外仲叫咗個粟米斑塊，我個人略嫌粟米斑塊嘅粉太厚，魚塊雪得太久無咩味，但粟米汁有咬口而且醒胃！兩個人食到咁豐富每人都係大概＄100！食到飽飽又可以返公司努力繼續衝！