鮮芋仙 (荃新天地)

營業中

休息中

同搵食小伙伴捉著期間限定嘅尾巴，食雪山雙芋牛奶冰。睇圖都睇唔到有幾震撼，一上菜就知道share食呢個決定絕對正確。口感大豐盛！！最上有雲呢拿雪糕，我反而覺得唔係話好夾，有啲過甜。之後就有牛奶冰，好濃奶味，同坊間食食吓啲冰就冇味完全唔同，加埋最底有少少黑糖糖漿，可惜黑糖味唔係話十分突出。迷你芋圓增加左口感，芋頭足足有5大舊，芋頭味重，不過口感如果再綿啲會更好。Follow IG仲送蓮子，蓮子配搭冰食都係一個新嘗試，所以令到口感層次再增加。不過煉奶蓋過咗本身蓮子味，都係另一個可惜位，唔需要用太多奶因為本身蓮子有清甜味。適逢黃埔新店開張加一蚊可以有一個雞蛋布丁呢個絕對係出乎意料之外咁好味，有驚艶嘅味道。一食落去有淡淡雞蛋味，再加上成個布丁都好滑，私心推薦最佳食法係配埋芋泥。