甜椰椰 (已結業)

當日原本諗住去宜家傢俬食晚餐，不過我地又未太肚餓，突然間諗起早前經過一間新開的甜品店，寫住榴槤飄香椰皇 $44 ..好似好抵咁~於是我地就決定去試食下..由於我地去到個時大約5點鐘，間鋪仲未開門..不過見入面有人準備中，老公就膽粗粗咁問個員工，我地可唔可以入去食甜品??點知個員工又好好人地俾我地入鋪。我同老公分別點左個榴槤飄香椰皇同芒果班戟:個榴槤飄香椰皇，對一個女仔吃真係好大個，仲會吃唔曬不過佢真係好香榴槤味，而且都好多榴槤溶係個椰皇，hehe..如果私心d ，當然希望可以再多d 榴槤...尼個椰皇真係值得去試下。個芒果班戟，由於唔係我食..所以我冇評論.不過我見佢都有好大舊芒果佔左2/3，都算抵食。總括雖然尼間野係新開，不過d 員工好好人，而且食品及價錢都ok，有時間我會再去幫襯試下其他野。