爭鮮迴轉壽司 (祥豐大樓)

營業中

休息中

女兒想食壽司，想起大圍有間新開的迴轉壽司，便過去試吓，去到見到打曬蛇餅，最怕排隊等位的我，到底走定留好??但、人已出到嚟，又唔想女兒失望，又唔想重新再諗去邊度開餐，唯有乖乖排隊吧！等了20分鐘入座，(進食時間只有40分鐘🤦‍♀️)，為了爭取時間，只能盡快食，隨便拍幾張相便算，選擇不算多，都是大路既帶子，鰻魚，三文魚，火灸三文魚腩，海膽，希靈魚，蟹柳，螺肉，吞拿魚，北寄貝.....那些壽司，部份壽司是孖碟計算的，如1件既海膽壽司，但、沒腥味，有鮮味的，孖碟計算都值回票價，三個人共40碟，剛剛遇上開幕優惠$6蚊碟最後一日(原價$8蚊碟)，連加一，埋單$264，抵食過在屋企樓下茶記叫小菜，埋單時仲送了兩隻豉油碟，FB打卡，仲有膠File送，咁多嘢送既??😂 坦白講，在這類迴轉壽司店食嘢，只求小朋友開心及飽肚，不難食已經唔錯的了。/ 額外一提:有款4件裝的朱古力甜品，真係甜到漏，我食了兩小啖，已經頂唔順，如果同我一樣，怕超甜的你們，真係要停一停、諗一諗了。 / (後話:過了幾天的下午，再經過時，已見到餐廳入面有好多位，唔駛排隊，下次再來，還是下午來好了😂。)