The Cha:rm (已結業)

有朋友介紹係太和有間好食既韓國食店，離太和站都係十分鐘內。餐廳以簡約裝修為主，俾人一種舒服整潔的感覺。職員態度也不錯，他們細心地為客人講解不同的食物。客人點餐時要行去order 枱，之後職員就會拎食物給客人，因即叫即整，需時約十五分鐘左右。價錢比較大眾化，但食物水準相當不錯！1L orange ade $25自已本身喜歡飲橙汁關係，去到邊間餐廳都會點杯，本身order 時以為係普通一杯橙汁點知試完第一啖後感覺入口清新，原來加左薄荷葉，非常美味！泡菜芝士薯條$35薯條上有好多芝士，令喜歡芝士既我愛不釋手，加上配合泡菜感覺好開胃，食到停不了口，薯條外脆內軟！韓食牛肉伴飯 $45牛肉和飯分量較少，但有滑蛋栗米紫菜配襯，食法較健康，大食既朋友未必夠飽！甜辣醬蜜糖芥末韓式炸雞 $78炸雞加上蜜糖芥末醬十分開胃，酸甜程度適中，炸雞口感鬆脆，肉汁鮮嫩，再配上韓式年糕，味道很好。韓式辣炒豬肉芝士夾餅 $38外脆內軟，韓式豬肉加上粟米，配搭新鮮，美味可口。份量適中，餐廳必食推介。濟洲綠茶牛奶雪花冰 $58雖然製作過程需時，但仍值得一試，香濃的綠茶雪花𣲙配上紅豆，實在為完美組合。