Todai (已結業)

今日一行十四人去食自助餐，入到去佢地幫我地安排坐一圍圓桌。但係實在太逼啦，於是有五個人分開坐。如果係超過十個人既，最好預先同佢地講話分開兩圍，唔係既會幫你地坐哂一圍。食物方面，有壽司、沙律、燒牛肉、天婦羅、其他熱食。仲有即炒意粉同粉麵類。壽司都幾新鮮，燒牛肉都唔錯。個即炒意粉係忌廉火腿意粉，佢地係將一碟意粉分為四小碟，但忌廉味唔算太濃。都係咁上下。雖然係午餐，但都會有青口食。而即食粉麵有喇沙、拉麵、雲吞麵等啦。湯底通常比較淡。甜品就好多種啦，有各種既芝士蛋糕、布丁、雪糕等。我最推介既係焦糖布丁，面層既糖膠好正，個布丁又好滑，每次都會食既。佢地既甜品通好細份，可以一次過食哂咁多種甜品。椰汁糕就好重椰汁味，提拉米素就唔錯啦。蛋糕既甜品通常都唔錯既。雪糕最好食就係綠茶味，因為好有茶味，而且我都唔會成日食。整體上，雖然食物係好大路，但甜品就好有創意同次次有驚喜既。實有下次架。