七福神和食亭

營業中

休息中

食得多放題，都想試吓散叫嘅日式料理，睇吓水準同價錢係咪都高啲先。網燒牛扒，雖然冇話係和牛，但入口即溶，牛肉味濃，生熟程度剛好，極力推介大蒜牛酒燒銀鱈魚，銀鱈魚扒夠厚身，魚肉滑就一定，但唔夠入味，始終都係西京燒汁配銀鱈魚好味啲。芝士鐵板滑豆腐，絕對可以滿足到鐘意食芝士嘅人。壽司無可否認比起食放題嘅壽司比較高水準，新鮮，大件，款式多，生和牛入口即溶，火灸和牛香，三文魚特長，帶子赤貝刺身鮮甜。兩個人食，埋單$636，價錢同食放題差唔多，但食嘅嘢名貴少少，唔使夾硬食到頂住，都係一個唔錯嘅晚餐。