Amour Cafe (已搬遷) 新店位置

每次想食西餐的時候第一間諗起嘅就一定係依間。好耐之前因為一次係尖沙咀嘅遊蕩所以就發現咗依間鋪頭。好多時如果去開尖沙咀嘅話但又唔知食乜好最後都一定會翻翻依間食。雖然餐廳嘅裝修唔似得好似得一般嘅高級餐廳，只係普普通通嘅茶餐廳間隔，但係『勿只憑外表判斷；不能以貌取人。』嘛xd 佢依度嘅西餐其實幾有水準，選擇又多，而且價錢又平民化，所以我覺得如果想食一餐好嘅但係手頭上又有啲緊嘅話可以嚟依度試下佢各式各樣嘅西餐。最令我無辦法唔幫襯佢嘅就係佢杯cafe mocha、朱古力唔會好重亦都唔會好漏，而且仲有好香濃嘅咖啡味，所以每次去嗰度食晚餐嘅時候我點都會俾一蚊upgrade杯普通咖啡做cafe mocha