影片
更多
2016-03-25
1077 瀏覽
琴日突然想食韓國野，唔係韓燒個啲，而係韓國料理個種。打算由火炭揸車過大圍睇下個間外賣自取的店，撞正放工時候，臨轉彎個陣去大圍的路塞哂，又好肚餓，趁住停紅燈的時候搏一搏睇下火炭有無咩類似的舖頭(揸車用電話唔好學)😂係度要讚下open rice,紅燈未轉就有結果，仲趕得切轉彎去火炭工廠區。坳背灣街？熟口熟面即管去睇下，舖頭開係一個好當眼的位置，好易搵，放低架車就入去睇下。舖頭唔大，得兩至三張枱，最多可容納8個人。諗左陣，嗌左原味炸雞半隻、炸醬面、必食紫菜卷、五花肉、牛肉粉絲拎番屋企食，抱歉無影獨照，野食等左20分中左右就有，因為都係新鮮做的，一共都係270蚊鬆啲。炸雞皮脆肉嫩，同pizza box的炸雞有得媲美。價錢適中，外表炸得好好味，80蚊，抵食。一直記掛住韓國彈牙的炸醬面，雖然外賣佢已經面同醬係分開裝，同埋拎番去有段時間，可能係凍左的關係，我覺得麻麻地，醬唔夠濃味，面一條條斷開又唔夠彈牙，應該唔會再試，呢d好易伏。中意日本野的我，紫菜卷當然就唔少得啦！料都好豐富，有咬口，正！👍🏼 五花肉係燒好的，同去韓燒個啲無分別，認真，70蚊來講，我真係覺得已經好多，同韓燒食個啲分量都唔同既，
係度要讚下open rice,紅燈未轉就有結果，仲趕得切轉彎去火炭工廠區。坳背灣街？熟口熟面即管去睇下，舖頭開係一個好當眼的位置，好易搵，放低架車就入去睇下。舖頭唔大，得兩至三張枱，最多可容納8個人。諗左陣，嗌左原味炸雞半隻、炸醬面、必食紫菜卷、五花肉、牛肉粉絲拎番屋企食，抱歉無影獨照，野食等左20分中左右就有，因為都係新鮮做的，一共都係270蚊鬆啲。
炸雞皮脆肉嫩，同pizza box的炸雞有得媲美。價錢適中，外表炸得好好味，80蚊，抵食。
一直記掛住韓國彈牙的炸醬面，雖然外賣佢已經面同醬係分開裝，同埋拎番去有段時間，可能係凍左的關係，我覺得麻麻地，醬唔夠濃味，面一條條斷開又唔夠彈牙，應該唔會再試，呢d好易伏。
中意日本野的我，紫菜卷當然就唔少得啦！
料都好豐富，有咬口，正！👍🏼 五花肉係燒好的，同去韓燒個啲無分別，認真，70蚊來講，我真係覺得已經好多，同韓燒食個啲分量都唔同既，又有好多蒜片附送，底仲有生菜，研究左陣先知佢俾啲菜你包住蒜片同肉同泡菜一齊食的，係屋企都食到韓式風味實在是好開心☺️
向來就喜歡吃粉絲的我，表示呢間的粉絲好岩胃口，唔太濃味，甜甜地😍 可以配豬or牛or雞
今日再去左encore, 試埋甜辣味炸雞一碗，唔太多，唔太辣，雞皮仲脆緊，好食！35蚊
呢度仲有whatsapp落單添，好方便！
張貼
