魚米 (已結業)

黎到香港仔，有錢就緊係試試海鮮，窮人就食住魚湯先，頂頂引。今次揀左魚米，連鎖式店子，預計應該不太中伏的。果然冇錯，唔中伏但平平冇奇。叫左個口味大眾化d既米線，五福！故名思義有五樣野：魚蛋貢丸魚片泰式魚餅包心丸配料就九菜腐竹。先講米線底，滑既，但偏淋唔夠彈。魚蛋類都係，唔夠彈肉丸同包心丸明顯係bbq買黎燒果d質素，唔難食既。魚蛋正常味，冇驚喜。但泰式魚餅味道正常，但就同個粉感覺上格格不入。至於主角魚湯呢，未夠奶白，鮮味既，但有味精，易口乾對於$42呢個價黎講，今時今日係食到呢d，性價比唔高，叫做街坊多個選擇。