Deli and Wine (已結業)

今晚約了朋友係大會堂睇talk show, 所以約齊人及順便食埋晚飯。因自己午餐已食了意大利粉，所以見到有海鮮喇沙玻璃粉呢款麵食，就試吓啦！喇沙來到面前，很大碗及賣相都很對。當飲第一啖湯，雖然並不怎樣濃烈及香辣，仍能帶有椰香味，但都過得去。但食到玻璃粉就不對路了，玻璃粉簡直無味可言，可能本身湯底就已經淡口，玻璃粉吸收唔到喇沙嘅香辣味，麵底已失敗。另麵中的餸料，如豆腐卜、魚肉等跟本就無味，好似從白滾水烚熟才放入喇沙湯中，好難食。 下次千祈唔好再食呢款海鮮喇沙玻璃粉。