光榮米線 (已結業)

相信無人唔識光榮冰室, 但原來光榮喺觀塘仲有間米線店😆！主要供應自選小窩米線、涼拌/麻辣小食, 自選小窩米線由$28起, 配料方面有好多選擇, 包括有韭菜雲吞🥟、辣雞翼尖、腐竹、冬菇、豬紅、辣腩肉、豬扒等等。湯底有5個辣度可以揀🌶, 唔食辣嘅人士亦可以揀走辣要清湯底㗎～ 🍜自選小窩米線小窩米線本身有芽菜、酸菜、韮菜、肉碎, 我再加咗豆腐卜、腐竹、冬菇、生菜🥬, 啲餸嘅份量好足夠, 真係好大碗, 好抵食！米線好爽滑, 冬菇厚肉又大件, 每一啖都食到少辣嘅湯底, 仲有酸菜味, 唔錯呢👍🏻！