明記甜品 (西灣河街)

營業中

休息中

大年初三，搵食艱難，聽講明記嘅糖水好好食，又好彩呢日都有開門，就嚟試下。叫碗啱哂女仔食嘅桑奇生蓮子蛋茶，老公就叫碗鮮什果西米露，兩碗都比平時見到嘅大碗，又好夠熱。桑奇生嘅唔算好多蓮子，蓮子亦都冇去掉蓮子芯，但從味道可見佢落足料去煲，西米露就一睇就知好足料，茶記載魚蛋粉size嘅中大碗，滿滿嘅西米，仲有西瓜、火龍果、芒果、蜜瓜.....仲有大粒黑珍珠，食完真係超滿足!!仲有....新春期間都不收加一或加二服務費!