小曼谷泰國美食 (教育路) (已結業)

自從上次整完泰式料理 心心念想食泰國菜所以嚟到元朗呢一間小曼谷泰國美食每次經過都見到有泰國人喺度煮嘢食 所以我諗呢間餐廳嘅泰國菜一定好正宗( ˙꒳​˙ )所以今次決定坐低試試佢！❀泰式鐵板蠔餅佢哋嘅蠔餅同平時泰國餐廳嘅有少少唔同食落去感覺有啲似炸蛋！脆卜卜蠔仔大大粒相當之新鮮 而且可以點配佢嘅秘製醬汁 令到蠔仔味更加鮮甜！❀泰式拼盤(蝦餅/魚餅/春卷/雞棗)四款都係泰國相當出名嘅小食 全部都炸得好香口 味道亦十分正宗❀蝦膏豬肉碎炒飯淡淡嘅蝦膏味 再配上豬肉碎味道層次十分豐富 ❀芒果沙冰芒果味濃郁 而且好清甜！