翠湖海鮮飯店

營業中

休息中

端午節正日，夜晚梗係要同阿媽做節，我地揀左間係屋企附近既平民酒樓食小菜。個侍應推介我地叫隻龍蝦仔($148)，用蒜蓉開邊蒸，話隻龍蝦仔好多肉，仲話包我地話好味添。之後再加多個蒜子火腩大膳煲($128)加碗白飯($12)。先黎個蒜蓉開邊蒸龍蝦仔，果然個侍應無介紹錯，堅好食，連等緊位啲人都問我地衣碟龍蝦幾錢添，隻龍蝦仔都算大隻，又多肉，咬落又彈牙好新鮮😋，仲有粉絲墊底，索晒啲龍蝦同蒜蓉味好正。再黎個火腩大鱔煲，好多鱔，仲要塊塊都又大件又厚肉又彈牙，好新鮮，反而火腩得幾舊比較少，但肥瘦均勻唔會好咸。整體味道唔錯，又夠大煲👍🏻。