齊柏林熱狗店 (德泰大廈)

營業中

休息中

自從冇咗哈迪斯之後, 好耐冇食過類似快餐店嘅熱狗! 最近喺大窩口開咗一間連鎖店熱狗舖頭-Zeppelin Hot Dog。 今晚叫咗一個澳式風情熱狗 , 紐約辣味熱狗, 跟套餐加$12, 有薯條, 粟米, 薯餅或者冰菠蘿畀你揀, 仲配埋汽水! 呢個澳式風情熱狗$38, 裡面有芝士, 煙肉,菠蘿,千島醬,紐倫堡腸。 個包都鬆軟, 芝士唔夠多, 焗完有啲硬, 我預期係好滿嘅芝士, 好juice可以拉絲咁, 但冇囉!呢個係 紐約辣味熱狗$38 , 裡面有炒洋蔥,特製黃芥辣, 茄汁, 匈牙利腸。 薯條普通, 配千島汁加茄汁。 佢仲有其他小食,炸魚薯條$30, 芝士煙肉薯條$28, 芝士辣肉醬薯條$28, 芝士薯條$25, 下次有機會再試。