影片
更多
2010-10-01
3 瀏覽
早排，郵差派咗沾仔記單張俾公司，我一於睇吓！無意中知道中環區有抵食粉麵店，搵日試吓！終於，搵到今時今日去試！睇吓 Menu ，只得幾個配搭！單併、雙併、及三併。以牛肉、鯪魚球及雲吞；麵、河粉、米粉。但係唔好睇少，原來仲係榮獲米芝蓮 2009 & 2010 推介！ 我對牛肉有皮膚敏感，所以只好叫其餘兩款！鯪魚球雲吞河 (走蔥) $22 + 豆漿 $6當店員將碗河擺上枱，我見到兩粒超大嘅鯪魚球， 嘩！仲大粒過山竹牛肉少少，真係好驚喜！ 食落又唔係想像中咁腍蓆蓆，彈牙架！亦唔少得陳皮粒，甘香撲鼻！雲吞細少少，將近乒乓波咁大粒，入面有兩、三隻蝦，落足本呀！蝦爽身之餘，仲去埋蝦腸！感覺衛生！食得滋味！河粉幼身，又白又滑；食到尾都依照一條條唔會斷開哂！難得搵到有番咁上下嘅好質地河粉！唯一缺點係俾4 粒大嘢壓住，比較難夾！至於湯底夠清兼少油，亦唔會令河粉唔夠味！我叫豆漿嘅時候，無為意係杯抑或支裝；無諗到 $6 係1支豆漿！算幾濃，又唔會太甜！呢餐真係好抵食！不過，我發覺呢度好多匙羹都崩咗少少， 楝咗起碼5~6 隻先搵到隻完整無缺，大家下次幫襯留意呀！
終於，搵到今時今日去試！
睇吓 Menu ，只得幾個配搭！單併、雙併、及三併。以牛肉、鯪魚球及雲吞；麵、河粉、米粉。但係唔好睇少，原來仲係榮獲米芝蓮 2009 & 2010 推介！
我對牛肉有皮膚敏感，所以只好叫其餘兩款！
鯪魚球雲吞河 (走蔥) $22 + 豆漿 $6
當店員將碗河擺上枱，我見到兩粒超大嘅鯪魚球， 嘩！仲大粒過山竹牛肉少少，真係好驚喜！ 食落又唔係想像中咁腍蓆蓆，彈牙架！亦唔少得陳皮粒，甘香撲鼻！雲吞細少少，將近乒乓波咁大粒，入面有兩、三隻蝦，落足本呀！蝦爽身之餘，仲去埋蝦腸！感覺衛生！食得滋味！
河粉幼身，又白又滑；食到尾都依照一條條唔會斷開哂！難得搵到有番咁上下嘅好質地河粉！唯一缺點係俾4 粒大嘢壓住，比較難夾！
至於湯底夠清兼少油，亦唔會令河粉唔夠味！
我叫豆漿嘅時候，無為意係杯抑或支裝；無諗到 $6 係1支豆漿！算幾濃，又唔會太甜！
呢餐真係好抵食！
不過，我發覺呢度好多匙羹都崩咗少少， 楝咗起碼5~6 隻先搵到隻完整無缺，大家下次幫襯留意呀！
張貼
