越華會 (已結業)

上星期六,本來係去越華會食飯,都係去唔成,點解??有人大細超囉!!本來食飯人多,等位排隊好應該,我去到時仲有5至6張檯先到我,都無所謂喇,點知就發生左一件事,話說在我等等下途中有一班大約8個人的年青人來食飯,佢地都有取號碼紙等檯,但係唔駛5分鐘已經見到越華會d人, 將一張本來係細檯的檯版,轉做大檯檯版,比個班年青人,佢地當然好開心有檯食飯啦,但對於我地一早已取號碼紙等檯的人來說就非常之不公平, 明明有細檯比人,都唔比,有心轉做大檯比班留後生仔坐,我地都有錢食飯,可能仲會食多過班後生仔架,有人見到呢個情況立即同負責人理論,當然係唔會成功啦,見到包括我在內,有3檯客都十份不滿,都不再願意再等,走了。我知道越華會生意好,但都唔需要咁做丫,趕客走咩。