Route 83 (廣福道)

營業中

休息中

又來到一向多野食既大埔，今次去到住大埔朋友都話正既餐廳試試佢。我地都算早到但已經坐無虛席。入到去見到其他客人點既令樣食物份量都非常大，而家賣相極吸引，好想全部都試，最後係咁多選擇簡左幾款，要經歷幾次選擇困難先簡到。脆皮德國咸豬手配酸菜薯蓉-一上枱份量超大！值得一讚既係已經切好一件件，而且唔會過大過細。豬手一向好難切，就算切左都會令到成份食物好唔靚，佢咁樣真係好。豬手好香脆，配酸菜真係享受！加左有用蕃薯整既薯蓉，甜甜地好好食！！好有驚喜！！溫泉旦黑松露卡邦尼意粉-份量又係好大，女仔真心share 都可以！個汁好creamy,好香好杰，每條麵都包裹著，夾埋配料煙肉蘑菇，不知不覺食左好多。芝士蜜糖芥末焗薯條-蜜糖芥末還是用點既方法食會好食啲，焗完會變左甜蕃薯味，同薯條唔太夾。不過佢焗得好好，焗到金黃色，夠哂脆。咖啡雪糕特飲-咖啡同雪糕真係perfect match,飲左呢個當食埋甜品。士多啤梨水果紅茶-好清香，食完咁heavy 既食物飲呢個的確好解膩。終於明白點解朋友極力推介，真係又平又抵食。