影片
更多
2020-09-11
68 瀏覽
同朋友兩個人食飯，我哋全日都冇食嘢，所以真係勁肚餓。 屋企樓下呢一間冰室算好平，又多嘢食。所以我哋就係咁瘋狂嗌嘢食😂首先梗係要食佢哋嘅瑞士雞翼啦，但我冇諗過竟然係全翼，而且啲瑞士汁都好入味，個汁比較甜。 飲品方面，個人覺得佢個菜蜜唔係好甜，非常之好！！而且佢啲冰比較細粒，容易啲溶化。餐牌上面最吸引嘅就係呢一個滑蛋叉燒飯，首先講吓佢啲飯嘅份量非常之多，肯定至少有兩碗飯嘅份量！而佢啲滑蛋做得好好，配埋啲醬汁，味道好夾。你啲叉燒嘅份量都幾多，亦都唔會好硬身。 由於我係口水雞嘅愛好者，見到佢竟然有得小食咁嗌，就梗係要食下啦！佢嘅口水雞竟然俾咗雞髀嘅部位我，多肉而且嫩滑，易啲辣椒油，唔會好辣。 最後我同我朋友兩個大胃王，仲嗌左薯角同炸餃子，我同朋友都覺得佢個炸餃子最好食！！佢好食嘅位係啲皮真係好脆身，而且入邊啲韭菜份量好多！味道都調得啱啱好！而佢薯角上面嘅肉醬都好惹味，完全係可以撈飯嚟食！
屋企樓下呢一間冰室算好平，又多嘢食。所以我哋就係咁瘋狂嗌嘢食😂
首先梗係要食佢哋嘅瑞士雞翼啦，但我冇諗過竟然係全翼，而且啲瑞士汁都好入味，個汁比較甜。
飲品方面，個人覺得佢個菜蜜唔係好甜，非常之好！！而且佢啲冰比較細粒，容易啲溶化。
餐牌上面最吸引嘅就係呢一個滑蛋叉燒飯，首先講吓佢啲飯嘅份量非常之多，肯定至少有兩碗飯嘅份量！而佢啲滑蛋做得好好，配埋啲醬汁，味道好夾。你啲叉燒嘅份量都幾多，亦都唔會好硬身。
由於我係口水雞嘅愛好者，見到佢竟然有得小食咁嗌，就梗係要食下啦！佢嘅口水雞竟然俾咗雞髀嘅部位我，多肉而且嫩滑，易啲辣椒油，唔會好辣。
最後我同我朋友兩個大胃王，仲嗌左薯角同炸餃子，我同朋友都覺得佢個炸餃子最好食！！佢好食嘅位係啲皮真係好脆身，而且入邊啲韭菜份量好多！味道都調得啱啱好！
而佢薯角上面嘅肉醬都好惹味，完全係可以撈飯嚟食！
張貼
