源記餐廳 (已結業)

以食店嘅佔地面積嚟計，呢間源記餐廳喺呢區都算數一數二，猴子唔係好識計面積，不過粗略嚟睇都好似有千幾呎，坐百幾人都應該冇問題。（都係嗰句，有錯請留言指正）不過最令猴子驚訝嘅唔係間舖有幾大，而係佢嘅抵食程度。今朝猴子叫咗個至醒早餐，有腸仔、煎蛋、牛油方包、熱飲，再加埋一碗大大嘅豬軟骨湯麵，埋單找數只係HK$32，抵唔抵？仲未算，由於今日係假日，所以佢哋多收HK$2，即係話平日嚟幫襯只係需要HK$30！講到味道，煎蛋有蛋味，腸仔有腸仔味，牛油方包軟綿綿，豬軟骨嘅醬汁有啲似甜酸醬。總括嚟講，以呢個價錢嚟計就應該冇乜投訴。