南京東路 (已結業)

昨晚，女友想去行宜家，就順道去皇室堡搵食，見到新開業的南京東路做緊 promo，小籠包只賣 $8，一於入去試試。南京東路隸屬於敍福樓集團旗下，環境、服務都很茶樓 feel，跟競爭對手南小館、鼎泰豐、上海婆婆的大有不同，就算和金牌小龍比較，南京東路仍然比較土。先來鎮江肴肉，切功之粗糙簡直嚇死人，形狀大小不一，食落肉香欠奉又易散。小籠包一客四隻，其中一隻一夾起已告穿底，精肉肉質很含糊，水準猶如酒樓貨色，難怪特價 $8，因為只值 $8。酥炸排骨擔擔麵，擔擔麵普普通通，但那塊層酥炸排骨的炸皮竟猶如酥炸魷魚般，光身，鬆泡泡的，完全唔係個回事！萵荀絲算係見得下人，不過先前落錯單，來錯了客窩貼。值得一提是，侍應對客態度差，感覺猶如置身街坊酒樓，邊吃邊搖頭，還是埋單走人好了。