易牙台式料理

營業中

休息中

男友一向鍾意去易牙食野，話佢有款汁煮雞肉同跟餐的菜好好味。雖然叫做汁煮雞肉，但係呢個雞肉煎得好香脆，醬汁甜甜地，幾惹味，份量都幾多，套餐包埋前菜、焯油麥菜、珍珠米同台式飲品，賣六十幾蚊，可以接受啦。個菜又真係幾好食，唔知用咩汁撈上去Ｄ菜度，好香口。杯珍珠奶茶味道都唔太差，Ｄ珍珠數量真係十隻手指都數得出自己就叫左碗大腸麵線，廿二蚊，麵線份量得好少，成碗水汪汪，大腸得一舊，兩啖食晒，完全係食左等於無食。係就係味道幾好，但係一個女仔咁細胃口食完都唔夠飽，當真係小食就好。呢度唯一優點就係唔洗等位，星期五晚７點幾都無咩人～唔知點解呢可？