影片
更多
2021-06-28
149 瀏覽
大角咀近年有唔同樓盤落成，唔同特別而且比較高階既餐廳應運而生，亦帶動外來人慕名而來試吓唔同餐廳，我就係其中一個！ Lost Star 我諗好多人都聽過，今次試左隔離街新開既一間餐廳，真係比到好多驚喜！ 走在街頭已經見到餐廳在前，全因它的落地大玻璃加上摩登的裝修，有少少似大角咀中的螢火蟲咁，非常特別。時間尚早仲未有好多人，餐廳闊落寧靜，好適合三五知己渡過一個漫長嘅夜晚。餐牌有多國菜式，全部望落都好吸引。Ceviche: 刺身吞拿魚配柚子汁ceviche黎自南美傳統前菜菜式，將新鮮魚生用檸檬醃製，酸性會令肉質變得比一般實淨，酸酸味味好開胃。如果大家想食傳統既ceviche，呢一味餸就唔啱大家。呢度用上比較甜既柚子汁去醃製，大膽得黎又出奇地okay，可能醃製時間唔長，肉質保持新鮮魚生般細滑。Salad: 牛油果蟹肉合桃石榴汁沙律 注意呢度既菜式portion唔大，我地可以嗌多幾樣試試。沙律用上唔同配料，配搭得宜，石榴汁略甜，有合桃的少少苦澀中和剛剛好。Yakotori: 不同串燒即叫即燒，配酒一流，免治雞肉棒配上日式生蛋黃，賞心悅目！ Main: 黑松露意粉品質中上，唔會太漏，芝士味同黑松露
Lost Star 我諗好多人都聽過，今次試左隔離街新開既一間餐廳，真係比到好多驚喜！
走在街頭已經見到餐廳在前，全因它的落地大玻璃加上摩登的裝修，有少少似大角咀中的螢火蟲咁，非常特別。
時間尚早仲未有好多人，餐廳闊落寧靜，好適合三五知己渡過一個漫長嘅夜晚。餐牌有多國菜式，全部望落都好吸引。
Ceviche: 刺身吞拿魚配柚子汁
ceviche黎自南美傳統前菜菜式，將新鮮魚生用檸檬醃製，酸性會令肉質變得比一般實淨，酸酸味味好開胃。
如果大家想食傳統既ceviche，呢一味餸就唔啱大家。呢度用上比較甜既柚子汁去醃製，大膽得黎又出奇地okay，可能醃製時間唔長，肉質保持新鮮魚生般細滑。
Salad: 牛油果蟹肉合桃石榴汁沙律
注意呢度既菜式portion唔大，我地可以嗌多幾樣試試。沙律用上唔同配料，配搭得宜，石榴汁略甜，有合桃的少少苦澀中和剛剛好。
Yakotori: 不同串燒
即叫即燒，配酒一流，免治雞肉棒配上日式生蛋黃，賞心悅目！
Main: 黑松露意粉
品質中上，唔會太漏，芝士味同黑松露都好出味，晚餐中後段食呢個好暖胃。
Dessert: 士多啤梨蘋果金寶配雪糕
原條甜筒插在Apple crumble上既有創意又聰明，甜筒餅碎加上crumble有唔同口感，比一般apple crumble更出色。
Cocktail: Ka Shin Street
用上餐廳的地址做cocktail名就一定要試試啦～ 入面用Gin配上檸檬汁同青瓜，飲落真係好Fresh, 就好似呢間新派餐廳咁樣，所有新嘗試都好令人耳目一新！
張貼
