端記茶樓

營業中

休息中

好耐未上過川龍，同家人約埋朋友一齊揸車上去，梗係要去飲吓茶啦！端記係我哋細個上川龍必去嘅茶樓，今次當然要去重遊舊地！試問有邊度茶樓可以一路睇風景，呼吸一下大自然嘅清新空氣，一路嘆茶食返一盅兩件！我哋一定係揀樓上風景優美嘅嘅座位，不過就要喺樓下自己攞嘢食，然之後行樓梯上去，咁啱樓上滾水未滾，仲要喺樓下沖埋茶洗埋杯先上去！拎住啲嘢食同熱茶行果條樓梯都咪話唔驚險！最鍾意食端記嘅糯米飯、臘腸卷同自己盛嘅皮蛋瘦肉粥，碗粥我哋盛到滿晒，再加勁多卜卜脆！夠晒火候同味道！其實樣樣點心質素都唔錯！