影片
更多
2017-10-12
28 瀏覽
朋友轉左工之後，都有一段時間冇見，今日襯收早少少約左佢地近近地去尖沙咀食野，揀左呢間韓國野啦，因為佢之前食過都覺得唔錯，可以再食。平日嘅厚福街比起星期五六日都靜少少，平時單單係等lift都唔知要花幾耐時間。呢間韓國野喺23樓，座位唔係好多，但都唔算好多人，基本上好自由，坐咩位都得，而且幾靜局，播住輕聲嘅kpop，唔會嘈到完全講唔到野，同朋友黎食下炸雞啤酒，傾下計都ok。泡菜薯條：薯條有兩種，又有曲薯又有直薯，少少粗身又未知於好粗，即時炸起都幾脆口。不過配上「泡菜忌廉」，味道唔夠濃，而且醬汁比較稀身，水汪汪，唔係好掛到上啲薯條度，應該做得杰身啲會好食啲。炸雞嘅款式都幾多，冇原味、甜辣、芝士、香蔥等等，我地諗左好耐都唔知叫邊款好，所以跟隔離枱點左大蒜豉油炸雞。大蒜豉油炸雞：賣相同圖片有少少出入，面頭嘅蒜片變左芝麻。炸雞即時炸起，都幾夠香脆，唔會太厚粉，份量足夠。大蒜味道唔會話好出，豉油甜甜地，幾好食，反而有少少似蜜糖。雞肉都幾多，我食果幾舊都冇骨，好方便卡邦尼年糕：年糕嘅份量唔多，大概兩人分享還好。面頭加左少少芝士粉，所以都會有啲芝士香氣。年糕煮得夠腍，煙煙韌韌，洋蔥份量都好多，好在都熟哂
泡菜薯條：薯條有兩種，又有曲薯又有直薯，少少粗身又未知於好粗，即時炸起都幾脆口。不過配上「泡菜忌廉」，味道唔夠濃，而且醬汁比較稀身，水汪汪，唔係好掛到上啲薯條度，應該做得杰身啲會好食啲。
炸雞嘅款式都幾多，冇原味、甜辣、芝士、香蔥等等，我地諗左好耐都唔知叫邊款好，所以跟隔離枱點左大蒜豉油炸雞。
大蒜豉油炸雞：賣相同圖片有少少出入，面頭嘅蒜片變左芝麻。炸雞即時炸起，都幾夠香脆，唔會太厚粉，份量足夠。
大蒜味道唔會話好出，豉油甜甜地，幾好食，反而有少少似蜜糖。雞肉都幾多，我食果幾舊都冇骨，好方便
卡邦尼年糕：年糕嘅份量唔多，大概兩人分享還好。面頭加左少少芝士粉，所以都會有啲芝士香氣。年糕煮得夠腍，煙煙韌韌，洋蔥份量都好多，好在都熟哂，材料基本上都好掛汁，卡邦尼嘅味道都好香濃，唔會好滯
招牌部隊鍋：本來跟個拉麵，但上枱變左類似刀削麵，問過店員，因為佢話拉麵太好賣，賣哂，所以換左另一款麵lol
部隊鍋份量都唔多，我諗大概2人份，裡面有腸片、餐肉、泡菜、金菇、餃子、麵同大量洋蔥…老實講，性價比真係唔高，好在味道都叫唔錯。
鍋底酸辣度唔高，一般唔食辣都可以食到。配料一鍋熟，唔會唔好食
因為樓下都已經見到佢地嘅banner，介紹過「星空飲料」，賣相幾靚，所以我同朋友都點左，雖然實物都係冇圖片咁靚，但味道都唔錯，杯野飲我覺得全餐最滿意的。點左三杯，分別係乳酪味、oreo同埋芒果乳酪味。個人最鐘意oero，味道好出，仲有少少朱古力味喺入面，沙冰夠凍夠滑，唔會太重冰感，飲完仲好飽肚另外有朋友點左杯berry delicious，係smoothie，用左草莓、香蕉、椰子製成，我都覺得幾好飲，味道突出，又唔會太甜。
張貼
