影片
更多
2010-08-29
9 瀏覽
22-8-2010是日 lunch 想食 light 一點又「平價」一點, 捉了朋友陪我嚟到呢間唔再喺巷仔的車仔麵店. 大家都對招牌「雜麵」的配料無興趣, 最好一人劃了一碗自選 3 餸麵, 再加碗淨菜 share 食.劃了豬腸 + 蘿白 + 蟹黃包心丸配油麵... 湯底賣相混濁, 呷了幾啖覺得帶點甜, 不過又甜得好「鬼祟」, 跟住口渴, MSG 度都幾嚴重 油麵煮得偏腍, 唔喜歡 蘿白無渣亦甜, 不過又好似同湯底一樣甜得有少少假 豬腸幾軟熟, 帶點「臊」味, 而且肥膏奇多, 唯有自行咬開 lur 掉;「蟹黃包心丸」又名打邊爐「蟹籽包心丸」或「蟹籽包」,「蟹黃」當然無啦, 幾蚊你想點? 朋友食芝士腸 + 肥牛 + 芝士包心丸配幼麵... 試了少少肥牛, 都幾嚡又幾臊 又試了一箸「幼麵」, 似公仔麵 (呢間嗰 d: http://www.openrice.com/restaurant/commentdetail.htm?commentid=1978331) 多 d , 仲以為係廣式蛋麵 tim...「淨菜」係通菜 + 芽菜, 後者得嗰幾條 , 前者就幾爽嫩清甜, 撇除湯
是日 lunch 想食 light 一點又「平價」一點, 捉了朋友陪我嚟到呢間唔再喺巷仔的車仔麵店.
大家都對招牌「雜麵」的配料無興趣, 最好一人劃了一碗自選 3 餸麵, 再加碗淨菜 share 食.
劃了豬腸 + 蘿白 + 蟹黃包心丸配油麵... 湯底賣相混濁, 呷了幾啖覺得帶點甜, 不過又甜得好「鬼祟」, 跟住口渴, MSG 度都幾嚴重 油麵煮得偏腍, 唔喜歡 蘿白無渣亦甜, 不過又好似同湯底一樣甜得有少少假 豬腸幾軟熟, 帶點「臊」味, 而且肥膏奇多, 唯有自行咬開 lur 掉;「蟹黃包心丸」又名打邊爐「蟹籽包心丸」或「蟹籽包」,「蟹黃」當然無啦, 幾蚊你想點?
朋友食芝士腸 + 肥牛 + 芝士包心丸配幼麵... 試了少少肥牛, 都幾嚡又幾臊 又試了一箸「幼麵」, 似公仔麵 (呢間嗰 d: http://www.openrice.com/restaurant/commentdetail.htm?commentid=1978331) 多 d , 仲以為係廣式蛋麵 tim...
「淨菜」係通菜 + 芽菜, 後者得嗰幾條 , 前者就幾爽嫩清甜, 撇除湯底的「鬼祟」味, 都幾好食的.
埋單每人約 $40, 一試無妨, 不過我應該唔會再來了.
張貼
