正斗粥麵專家

營業中

休息中

今日係大表姐一家返嚟香港嘅大日子，所以我們都去咗香港國際機場接機，等到成功接到大表姐一家之後，諗著一齊食啲嘢先！喺諗緊想食咩嗰陣，大表姐話當然係食雲吞麵啦！所以我們就揀咗喺一號客運大樓嘅「正斗粥麵專家」食晚飯！我們叫咗巧製南乳豬手撈麵嘅麵質好爽口彈牙，而豬手嘅皮就比較腍身，唔係好煙韌彈牙，而且感覺比較膩，南乳嘅味道亦相當鹹！正斗鮮蝦雲吞麵係差唔多每個人都叫嘅，除咗麵質好爽彈幼身之外，湯底嘅味道都幾鮮味，雲吞皮都幾軟滑薄身，蝦肉亦好鮮甜彈牙！鮮玻璃明蝦腸粉嘅腸粉都幾晶瑩薄身，可以好清楚咁睇到入面相當爽甜彈牙嘅蝦肉，而且都幾大隻！