影片
更多
2017-01-14
631 瀏覽
辛苦工作5整天，終於來到星期五，可以休息一下，放兩天假；一如以往，Happy Friday Night，當然要約朋友食個晚飯，大家聚一下啦。今次飯局4個人，有2個朋友都係住大西北既，一個住元朗Yoho，一個住元朗尚悅，咁無辦法啦，最後被他們半推半就之下，選址元朗作為我地食晚飯既目的地，而最後佢地就揀佐呢間位於元朗Yoho Mall既新餐廳，佢地話餐廳消費可以免費泊車。。。Um。。。真係為我著想啦！難得星期五，跑遠一點，也是OK啦，大約7點離開公司，接埋個朋友，就直駛入元朗啦，大約7：45到達目的地，其中一個朋友已經拿好位，等我地一齊叫野食啦。望下個外觀先，都幾靚，有室內，有室外，感覺有點像赤柱既美式酒吧，看了一下餐牌才發現，原來餐廳係under大集團Cafe Deco既，怪不得感覺和赤柱的Boathouse有一點親切感。我們大約8點到達，餐廳已經9成滿座，以這個位置 （大西北），人真的算很多，即使星期五的尖沙咀餐廳，也不一定可以保證Full House啦。餐廳做緊Promotion，只要晚上7：45前埋單離座，可享全單半價優惠，是50％ off！真的很抵食！可惜優惠只限星期日至星期四。
今次飯局4個人，有2個朋友都係住大西北既，一個住元朗Yoho，一個住元朗尚悅，咁無辦法啦，最後被他們半推半就之下，選址元朗作為我地食晚飯既目的地，而最後佢地就揀佐呢間位於元朗Yoho Mall既新餐廳，佢地話餐廳消費可以免費泊車。。。Um。。。真係為我著想啦！
難得星期五，跑遠一點，也是OK啦，大約7點離開公司，接埋個朋友，就直駛入元朗啦，大約7：45到達目的地，其中一個朋友已經拿好位，等我地一齊叫野食啦。
望下個外觀先，都幾靚，有室內，有室外，感覺有點像赤柱既美式酒吧，看了一下餐牌才發現，原來餐廳係under大集團Cafe Deco既，怪不得感覺和赤柱的Boathouse有一點親切感。我們大約8點到達，餐廳已經9成滿座，以這個位置 （大西北），人真的算很多，即使星期五的尖沙咀餐廳，也不一定可以保證Full House啦。
餐廳做緊Promotion，只要晚上7：45前埋單離座，可享全單半價優惠，是50％ off！真的很抵食！可惜優惠只限星期日至星期四。星期一至星期五，要拿到這優惠，相信比較困難，除非在元朗屯門上班吧，星期日比較有機會，但定必十分爆場吧。
幸好還有另一個優惠今日可以享受，「主菜買一送一」（包括意粉／飯／主菜／漢堡包），這個優惠也是很抵啊！
變相也是差不多半價了，假如是我自己來食，一定只叫一個主菜，那便可以享受盡優惠啦，但係一班朋友食，當然最緊要係開心，不能計較太多啦。
望一下餐牌，有Set Dinner，Starter+Main+Dessert+Drink只售＄148，一個觀塘工廈午飯價錢，可以享受一頓高級食府晚飯套餐，沒有人會覺得唔抵掛，但係一大班人黎食，緊係Al La Carte，Share野食啦！所以我地直接跳過套餐了。
Al La Carte餐牌選擇夠多，美式餐廳有既菜式，這裡基本也有，我們很快便揀選好所需了。
因為今日天氣不錯，朋友揀了室外的座位，而原來，坐室外的客人是要自己拿餐既。這個設定有少少奇怪，不竟自從中學時代做個Part Time待應後，都未過拿餐盤，拿大碟，今次算是溫故知新吧，感受幾特別。
點菜後，會得到一個Alarm，食物預備好，便可以到室內自行拿餐。
Stormies Favourite $68首先ready好既，係飲品，今次我點了沒有酒精既Stormies Favourites，係用Mango Mix + Strawberry Mix + Pineapple Juice 調製而成的，單單看見這個Combination，已經知道係「極好味」啦，餐廳用上新解既生果去製成，味道咁甜，果味夠濃，正！
小食拼盤 Appetizer Platter $228小食拼盤基本是一大班人食飯必點既，因為款式夠多，賣相夠靚，每款都有少少，每款都可以試試。
這個拼盤有芝士炸薯，雞翼，魷魚圈，墨西哥牛肉薄餅，意式煙三文魚多士，和薯條。
Smoked Salmon Salad＄118煙三文魚嫩菜沙律伴酸奶醬，食美國菜，每次我地都會點一份健康沙律菜可調和一下，今次就選佐煙三文魚。
煙三文魚份量夠多，佈滿一整碟沙律，另配有青蘋果片，混和著酸奶醬，夠醒胃。
Grilled Cheese Sausages $79德國腸，係我其中一款最愛既菜式，喜歡它食落啖啖肉香的感覺，而今次這款烤德國芝士腸，是用了餐廳自家工場製的豬肉腸，保質當然有保證，咬落肉質夠結實，豬肉味濃，配上甜甜地既芝士，絕對食到停唔到口。
而這款菜式係會配上薯條既，所有點佐腸，都唔駛再點薯條，可以一菜二食。
Deep-fried Chicken Wing $88這款雞翼望落黑媽媽，原來製作不簡單，聽待應介紹時說，雞翼會先以辣椒粉醃，再放落油炸，炸好後，再混合以蜜糖，墨西哥辣椒製成的醬料去調味。
食落不算太辣，醬料濃郁，十分惹味。
Chicken Penne $138蕃茄汁辣肉腸雞肉長通粉，配料有意大利青瓜，醃洋蔥，長通粉軟硬度適中，食落有口感，汁料也十分均勻地混和於長通粉中，面頭灑有大量既芝士粉，層次感十足。
Spaghetti Carbonara $148Carbonara，一直係我最愛既意粉之選，這款Carbonara 用了西班牙黑毛豬煙肉，和大量的雜菌混入濃郁既蛋黃忌廉中，食落很rich，很heavy，但由於蛋黃已經混入忌廉中，欠缺了新鮮蛋黃醬即切即流那種美感和濕潤感，和一般的有一點不同。
意粉份量夠大，捲起來就像一座山，足料。
Chocolate Lava Cake $68食完主菜﹐我地已經8－9成飽，打開甜品部的餐牌，又很吸引，所以我地決定打開人體的另一個胃 － 甜品胃，去再戰下半場。
第一款我們要試的是軟心朱古力蛋糕配雲呢拿雪糕，也即係朱古力心太軟。
朱古力蛋糕的賣相不錯，但份量不算太多，適中吧。
輕輕一切，朱古力醬慢慢流出，蛋糕的表層結實，內屠軟心，朱古力味香濃，雲呢拿雪糕有效減佐朱古力的膩口感，不錯。
Banana Sput $68由於我們人多，所以多點了一款甜品，三色雪糕香蕉船，是我的兒時最愛，每次經過看到，都會叫爸爸買，今日有幸能在餐牌找到，當然要點啦。
香蕉船七彩繽紛，賣相吸引，整個Package不單吸引小朋友的眼球，也奪得了我這大朋友的芳心，很多時候，菜式不需要太複雜，簡簡單單，只要能喚起大家某部份的回憶，便已足夠。
一大班人的Happy Friday Dinner，美食，伴隨著大家的笑聱也劃上句號，雖然地方比較遠，但優惠也比較多，相信不久的將來，我也會再次來訪。
張貼
