影片
更多
2022-09-06
110 瀏覽
📌 風味堂 - 大角咀博文街9號地舖🗓(6/9) 星期二 ⏰ 晚上7點左右 💈特式：今日約左朋友係大角咀，呢度有好多不同種類嘅餐廳可以揀，我同朋友因為疫情問題所以好耐無去日本旅行，見到間貌似日本居酒屋嘅舖頭，就即時衝左入去懷念一下。🥩🍔🌭🌮🥗🥯🥘🍲🍝🍣🥟🍤🍱食物：睇返menu，呢間舖午市會做下d丼飯set lunch，晚市就好似日本居酒屋咁做返d串燒/小食，此外佢都仲有小量熟食同海鮮粉絲鍋可以選擇，而家等我同大家講下味道先......🍢串燒 - 去得居酒屋，串燒係必點嘅食物，今日叫左一大堆串燒，包括骨付腸/芝士玉子燒/牛舌/牛舌腩/安格斯牛柳粒/雞心/雞胸軟骨/免治雞肉棒，只可以講真係樣樣都好食，可能因為係即燒，所以真係特別好食/特別香口，真係要特別推介嘅話就係店舖話必食嘅牛舌腩，真係超正，雖然佢貴過普通薄牛舌，但我覺得真係值得叫。小食 - 小食就叫咗雞泡魚乾/蟹肉甲羅燒配蒜蓉包/蘇格蘭XL蟶子王/芝士大啡菇，雞泡魚乾燒到好香，送酒佳品；甲羅燒d蟹膏好ha好濃郁；XL蟶子皇真係好大隻，燒到啱啱好，一d都唔韌；芝士大啡菇好厚身好juicy。甜品 - 甜品就叫咗黑糖菠蘿，燒菠蘿本
🗓(6/9) 星期二 ⏰ 晚上7點左右
💈特式：今日約左朋友係大角咀，呢度有好多不同種類嘅餐廳可以揀，我同朋友因為疫情問題所以好耐無去日本旅行，見到間貌似日本居酒屋嘅舖頭，就即時衝左入去懷念一下。
🥩🍔🌭🌮🥗🥯🥘🍲🍝🍣🥟🍤🍱
食物：睇返menu，呢間舖午市會做下d丼飯set lunch，晚市就好似日本居酒屋咁做返d串燒/小食，此外佢都仲有小量熟食同海鮮粉絲鍋可以選擇，而家等我同大家講下味道先......
🍢串燒 - 去得居酒屋，串燒係必點嘅食物，今日叫左一大堆串燒，包括骨付腸/芝士玉子燒/牛舌/牛舌腩/安格斯牛柳粒/雞心/雞胸軟骨/免治雞肉棒，只可以講真係樣樣都好食，可能因為係即燒，所以真係特別好食/特別香口，真係要特別推介嘅話就係店舖話必食嘅牛舌腩，真係超正，雖然佢貴過普通薄牛舌，但我覺得真係值得叫。
小食 - 小食就叫咗雞泡魚乾/蟹肉甲羅燒配蒜蓉包/蘇格蘭XL蟶子王/芝士大啡菇，雞泡魚乾燒到好香，送酒佳品；甲羅燒d蟹膏好ha好濃郁；XL蟶子皇真係好大隻，燒到啱啱好，一d都唔韌；芝士大啡菇好厚身好juicy。
甜品 - 甜品就叫咗黑糖菠蘿，燒菠蘿本身都已經係食串燒嘅寵兒，佢加埋少少黑糖去燒，有少少焦糖化，脆脆地口就更加好食。
☕️🍵🥤🧋🍺🍷🥃🍹🧉🍾🍶🥛
飲品 - 話得係居酒屋，本身想飲酒，但老細話未出到酒牌，餐廳暫時可以供應汽水之類飲品，但老細話唔介意客人自己買酒水入嚟餐廳飲，仲會主動幫客人雪住未飲嘅酒水。
🍽環境：餐廳環境唔算好大，但勝在簡潔同乾淨，仲有少少日式居酒屋嘅風格，枱面都夠大，張凳亦都坐得好舒服，所以食晚市叫下串燒飲下野，坐耐d傾下計都係一個唔錯嘅選擇。
🤵🏻🤵🏻♀️🤵🏻♂️服務：餐廳職員只有一個做樓面，但都好有禮貌，同埋因為d串燒係即叫即燒，所以需時，呢點店舖職員都會有提醒下d客人，同埋有客人問佢有無咩特別推介，聽到職員都解釋得好詳細清楚。
💰💸價錢：今日總數叫左咁多野，埋單都只係$600左右，佢味道同質素都真係值返呢個價，我覺得係可以再次幫襯。
🐲💬總結：疫情期間大家好耐都無去日本旅行，相信大家有時都會想搵返d日式野食下，懷緬下係日本食野個種感覺，我覺得有時去幫襯下呢類居酒屋都唔錯，可以慰藉下個種思鄉嘅感覺。
推薦指數：❤️❤️❤️❤️🤍
張貼
