影片
更多
2024-05-27
68 瀏覽
平時好少去大角咀，但係有朋友喺嗰邊做嘢，見到呢間餐廳有雞煲火鍋放題，就即刻拉我嚟試吓。雞煲方面，我哋揀咗小辣程度嘅麻辣惹味雞煲，一上嚟就可以即刻開餐。雞煲辣辣地好開胃，雞肉亦都夠幼嫩，仲可以無限追加，呢點真係加分。通常雞煲都會先食雞煲後食火鍋，呢間餐廳就第一次過serve兩樣，唔驚食得太飽搞到個胃冇位食火鍋。火鍋湯底我哋揀咗海膽白麵豉湯底，味道濃郁，帶少少鮮甜，幾特別。食完個前菜開始入紙落order，放題套餐嘅嘢食多到眼花繚亂，有小食、火鍋配料、甜品，甚至花膠同鮑魚等高級食材都可以任叫，性價比極高。食火鍋之前，我哋先叫咗泰式蝦餅、香茅魚餅同炸單骨雞翼warm up一下，雖然唔係主打，但係都好滋味，絕不馬虎。火鍋配料方面，我哋當然唔會錯過花膠仔、鮑魚仔同埋日本帆立貝，當然唔少得火鍋必備嘅鴨血。即使係放題，食物嘅質素都有返咁上下，可以話即刻回本。另外，我哋仲追加咗美國肥牛同紐西蘭羊肩卷肉，尤其係羊肩卷肉，肥美高質，值得一讚。除咗入紙落order，食客仲可以出去自助取餐區揀配料。不得不讚佢哋真係非常有誠意，就連出去任夾嘅丸都比好多餐廳多，有墨魚味比普通墨魚丸更重嘅黑色墨魚丸、麻辣湯包丸、帶有
麻辣惹味雞煲
14 瀏覽
0 讚好
0 留言
雞煲方面，我哋揀咗小辣程度嘅麻辣惹味雞煲，一上嚟就可以即刻開餐。雞煲辣辣地好開胃，雞肉亦都夠幼嫩，仲可以無限追加，呢點真係加分。
海膽白麵豉湯底
3 瀏覽
0 讚好
0 留言
通常雞煲都會先食雞煲後食火鍋，呢間餐廳就第一次過serve兩樣，唔驚食得太飽搞到個胃冇位食火鍋。火鍋湯底我哋揀咗海膽白麵豉湯底，味道濃郁，帶少少鮮甜，幾特別。
食完個前菜開始入紙落order，放題套餐嘅嘢食多到眼花繚亂，有小食、火鍋配料、甜品，甚至花膠同鮑魚等高級食材都可以任叫，性價比極高。
食火鍋之前，我哋先叫咗泰式蝦餅、香茅魚餅同炸單骨雞翼warm up一下，雖然唔係主打，但係都好滋味，絕不馬虎。
火鍋配料方面，我哋當然唔會錯過花膠仔、鮑魚仔同埋日本帆立貝，當然唔少得火鍋必備嘅鴨血。即使係放題，食物嘅質素都有返咁上下，可以話即刻回本。
另外，我哋仲追加咗美國肥牛同紐西蘭羊肩卷肉，尤其係羊肩卷肉，肥美高質，值得一讚。
除咗入紙落order，食客仲可以出去自助取餐區揀配料。
不得不讚佢哋真係非常有誠意，就連出去任夾嘅丸都比好多餐廳多，有墨魚味比普通墨魚丸更重嘅黑色墨魚丸、麻辣湯包丸、帶有鮮味嘅海膽丸等等，當中麻辣湯包丸，入面嘅肉汁好juicy，好似食緊小籠包咁。
食火鍋嘅時候都要注意下健康，所以亦都攞咗蟲草花加料，仲有蒟蒻同各種蔬菜。
飲品方面，朋友好眼瞓，所以見到有咖啡師手沖即磨嘅咖啡，即刻話想試吓。佢哋嘅凍蒸氣咖啡香味濃郁，唔係淨係得苦澀味，而且必須盛讚佢哋唔係用紙飲管。
我就出咗去揀嘢飲，雪櫃入面有嚟自韓國同台灣嘅飲品，任君選擇。我哋最後試咗雨前龍井茶、韓國黑啤同青檸味Sparkling water，各有特色。
去到甜品我哋已經飽飽，如果唔係真係想試下佢哋嘅自家製窩夫，但都忍唔住叫咗北海道牛乳雪糕球、意大利咖啡雪糕球同自家製綠茶蛋糕，味道唔錯，綠茶蛋糕特別濃郁同creamy。
好啦可能真係甜品係另一個胃，我仲喺自助取餐區攞咗支紫糯米雪條食，貪到佢夠低卡，算係健康啲選擇。
總括嚟講，呢間餐廳嘅火鍋放題真係有誠意，種類多樣之餘，質素亦好高。如果真係要用一個字嚟形容今晚嘅experience，一定係「抵」！
張貼
