熊貓小雲吞 (海富商場)

營業中

休息中

餐廳名字叫熊貓小雲吞，喺餐廳裡面有一大幅餐廳名既牆身。餐廳以紅白色為主色，座位闊落。職員姐姐們好好招呼，態度有善。我地叫左好多野食，放到一枱都係，都只係2百蚊，非常抵食！雙拼雲吞系列（20粒）$45-- 一口韭菜豚肉雲吞--一口鮮蝦豚肉雲吞細細粒雲吞，真係一啖一粒，方便食，幾岩我食，好快一粒一粒咁食晒20粒。外婆紅燒肉油蔥酥熱撈幼麵 $53好豐富，除左有紅燒肉同撈麵，仲有生菜，五仁菜葡，蘿白。涼拌海帶絲 $20一大碗海帶絲，超好味，我勁鍾意呢個！田園涼拌青瓜 $24開胃小菜～～蜜汁芥末炸雞翼5隻 $35雞翼大大隻，雞皮炸得鬆脆，內裡雞肉嫩滑有汁，加上蜜汁芥末，好味道。冷泡黃金大麥茶 （跟餐）$12冷泡御翠烏龍茶 （跟餐）$12樽裝，裡面有一大包茶葉，茶味香。香脆花生 $20我見餐廳有賣頭先啲食物有加上既花生同黃金豆，所以我買左樽花生返屋企慢慢繼續嘆。其實餐廳仲有賣其他產品，例如佢地多款自製正宗四川醬料，睇落幾正咁。