La Vigne (已結業)

呢日要過大角咀交收，交收完就喺附近搵下嘢食，見到間幾多人嘅餐廳，抱住人多就應該好食嘅心態，走入去試下。✨焗芝士香草蒜蓉包 $38最鐘意食蒜蓉包嘅我，發現呢間餐廳嘅蒜蓉包好味有驚喜！多士外層超鬆脆，蒜味十足，上面一層厚厚嘅芝士，好邪惡！好惹味！✨唐揚雞翼(4件)配蜜糖芥末醬 $48雞翼外皮香脆唔油膩，內裡肉質滑溜仲好juicy！蜜糖芥末醬，甜甜地又帶有少少芥末香，配唐揚雞翼味道好夾！✨甜番薯條配蜜糖蛋黃醬 $58甜番薯條甜甜地，又香脆！令人忍唔住一食再食，食到停唔到口呀！✨軟殼蟹南瓜蟹肉意大利飯 $108軟殼蟹大大隻，炸得好脆口，入面仲有唔少蟹肉，南瓜蟹肉意大利飯水準唔錯！南瓜味濃郁清甜，意大利飯creamy，質感煙韌。