影片
更多
2022-08-02
480 瀏覽
又去大角咀搵食。最近愛上食串燒，貪佢份量少，怕肥但又想食嘅我最啱，同朋友開心share， 每款食1件，食多幾款唔同嘅嘢食都唔洗擔心食過量。 餐廳除左散叫，更有1人前或二人套餐，計起上嚟比散叫平d，而質素同配搭我覺得都算唔錯。最後同朋友揀左精選1人餐C($368)，再加秋葵。套餐C包括10樣食物，每樣都做到微焦嘅效果，令到食物嘅油脂剛剛被迫出嚟，同時又食到燒烤嘅香味。🔸️唐揚雞軟骨，一貫炸雞軟骨嘅香口，夠亁身，唔油膩。🔹️白鱔非常爽彈，似脆肉骨腩果種爽脆感，入口魚油香味四溢。🔸️茄子同翠玉瓜都食到瓜類嘅鮮甜，燒完仍然非常juicy，翠玉瓜灑左d黑椒，有微微嘅香辣，更惹味。🔹️極品牛舌心有小小厚度，增加了口感，但同時亦燒得剛剛好，唔會又韌又嚡。🔸️雞翼，選用了雞中翼，加上在兩骨中間切開，讓雞翼平舖串在竹籤上，令雞翼受熱更均勻，亦食得更方便。🔹️黑豚五花腩肥瘦相間，燒得金黃嘅瘦肉部份有少少香脆。🔹️汁燒豆腐絕對值得再叫，大大件豆腐有豆香，外皮煎得金黃，吃起來略帶嚼勁，咬下後還是豆腐水嫩的口感。鹹、甜、醬香交錯的醬汁，十分美味。🔸️黑豚蘆筍卷嘅豚肉勁薄身，少少肉味更突出蘆筍嘅鮮甜。🔹️芝士年糕一向係我至愛食品之
餐廳除左散叫，更有1人前或二人套餐，計起上嚟比散叫平d，而質素同配搭我覺得都算唔錯。最後同朋友揀左精選1人餐C($368)，再加秋葵。
套餐C包括10樣食物，每樣都做到微焦嘅效果，令到食物嘅油脂剛剛被迫出嚟，同時又食到燒烤嘅香味。
🔸️唐揚雞軟骨，一貫炸雞軟骨嘅香口，夠亁身，唔油膩。
唐揚雞軟骨
14 瀏覽
0 讚好
0 留言
🔹️白鱔非常爽彈，似脆肉骨腩果種爽脆感，入口魚油香味四溢。
🔸️茄子同翠玉瓜都食到瓜類嘅鮮甜，燒完仍然非常juicy，翠玉瓜灑左d黑椒，有微微嘅香辣，更惹味。
🔹️極品牛舌心有小小厚度，增加了口感，但同時亦燒得剛剛好，唔會又韌又嚡。
🔸️雞翼，選用了雞中翼，加上在兩骨中間切開，讓雞翼平舖串在竹籤上，令雞翼受熱更均勻，亦食得更方便。
🔹️黑豚五花腩肥瘦相間，燒得金黃嘅瘦肉部份有少少香脆。
黑豚五花腩
27 瀏覽
0 讚好
0 留言
🔹️汁燒豆腐絕對值得再叫，大大件豆腐有豆香，外皮煎得金黃，吃起來略帶嚼勁，咬下後還是豆腐水嫩的口感。鹹、甜、醬香交錯的醬汁，十分美味。
汁燒豆腐
14 瀏覽
0 讚好
0 留言
🔸️黑豚蘆筍卷嘅豚肉勁薄身，少少肉味更突出蘆筍嘅鮮甜。
黑豚蘆筍卷
14 瀏覽
0 讚好
0 留言
🔹️芝士年糕一向係我至愛食品之一，呢舊年糕漲卜卜，年糕同芝士都塞得滿滿的，芝士味夠香，又十分煙韌。
芝士年糕
15 瀏覽
0 讚好
0 留言
🔸️秋葵($23)燒烤後十分香甜，那種黏膩滑潺潺嘅感覺亦都處理掉，入口爽脆。
餐廳當然仲有多款酒類提供，Whisky、Sake、生啤等，我就揀左手工啤 Crazy Rich Lupulins($48)，入口有果香，酒精含量雖有8.2%，但極易入口，酒精感唔會好重，酒體順滑，配串燒食感覺幾fresh。
手工啤Ccrazy Rich Lupulins
11 瀏覽
0 讚好
0 留言
店員、老闆都非常友善、有禮，在這裡用餐，唔只食物高質，而且感覺親切、舒服。
張貼
