影片
更多
2024-11-22
151 瀏覽
🍽️金怡冰室(大角咀)📍大角咀角祥街43至45號地舖有位日本嘅網友嚟香港玩，話返日本之前想食餐正宗香港地道嘢食，咁啱經過金怡，俾佢扯咗入去😂話鋪面好有舊時香港風格，不過發現原來呢度都真係好多好吸引嘅嘢，價錢都貼地，啱啱送完佢上機返市區，趁有時間推薦啲嘢食俾大家😍鮑魚雞煲🐤🍲雞煲嚟講，真係完全夠入味，無論鮑魚定雞肉，索汁索到每啖都鮮甜，個fd話原來有呢種煮法，一開始見到濕立立嘅鮑魚仲猶豫咗幾秒🤣跟住就大半煲都俾佢包曬，可惜冇時間用啲汁打埋邊爐瑤柱扒時菜🥬送飯一流，足料濃味，適合中意食菜嘅人士，隻白菜同瑤柱混合得啱啱好✨，二人晚餐包埋呢款，日常菜式得嚟又好難整得咁好味，個fd話日本都有類似嘅菜式，但呢種粘稠感係佢喺香港食嘢最鐘意嘅口感😋蒜茸粉絲蒸聖子解釋咗好耐咩係聖子，原來日本叫マテ貝😯蒜蓉粉絲蒸海鮮呢啲做法係粵菜先比較常見，一人兩大隻，聖子肉嫩口，如果lunch可能真係齋食呢個都夠飽，fd好鍾意呢隻粉絲，下次要買幾包過去俾佢😎乳鴿明明已經飽到不得了，但嚟都嚟咗唔叫招牌菜真係對唔住自己，脆皮，無燶到👍🏻夥計專登跑嚟推介我哋點樣點啲配汁，可惜冇手套，如果唔係可以食得再粗魯啲🤣好食！差唔多落車，
📍大角咀角祥街43至45號地舖
有位日本嘅網友嚟香港玩，話返日本之前想食餐正宗香港地道嘢食，咁啱經過金怡，俾佢扯咗入去😂話鋪面好有舊時香港風格，不過發現原來呢度都真係好多好吸引嘅嘢，價錢都貼地，啱啱送完佢上機返市區，趁有時間推薦啲嘢食俾大家😍
鮑魚雞煲🐤🍲
雞煲嚟講，真係完全夠入味，無論鮑魚定雞肉，索汁索到每啖都鮮甜，個fd話原來有呢種煮法，一開始見到濕立立嘅鮑魚仲猶豫咗幾秒🤣跟住就大半煲都俾佢包曬，可惜冇時間用啲汁打埋邊爐
瑤柱扒時菜🥬
送飯一流，足料濃味，適合中意食菜嘅人士，隻白菜同瑤柱混合得啱啱好✨，二人晚餐包埋呢款，日常菜式得嚟又好難整得咁好味，個fd話日本都有類似嘅菜式，但呢種粘稠感係佢喺香港食嘢最鐘意嘅口感😋
蒜茸粉絲蒸聖子
解釋咗好耐咩係聖子，原來日本叫マテ貝😯蒜蓉粉絲蒸海鮮呢啲做法係粵菜先比較常見，一人兩大隻，聖子肉嫩口，如果lunch可能真係齋食呢個都夠飽，fd好鍾意呢隻粉絲，下次要買幾包過去俾佢😎
乳鴿
明明已經飽到不得了，但嚟都嚟咗唔叫招牌菜真係對唔住自己，脆皮，無燶到👍🏻夥計專登跑嚟推介我哋點樣點啲配汁，可惜冇手套，如果唔係可以食得再粗魯啲🤣好食！
差唔多落車，呢餐飯真係好滿意，有香港味道，性價比又極高🤩下次佢嚟可以再試埋打邊爐，聽聞都好正。御馳走様でした✨
張貼
