Starry Night

營業中

休息中

今日同朋友去了大角咀食飯，這間在大角咀酒吧街內的其中一間小店，以西餐為主，另外還有些酒精飲品，適合朋友邊傾邊食。我們點了一個二人餐，食物豐富，不過不包飲品，所以唯有另叫。番茄忌廉湯味道夠酸，刺激味蕾，而且非常開胃。凱撒沙津沙律醬汁比較咸，但羅馬生菜新鮮爽脆，又多煙肉碎及芝士。脆脆雞翼雞翼外層以炸漿包裹，外脆肉嫩。蒜香蜆肉白酒扁意粉意粉用大量蒜蓉油炒成，所以蒜香味十足，意粉軟硬度適中，而且爽口，蜆肉比較細隻但無沙，味道鮮甜。慢煮霹靂香辣春雞春雞外皮以香料及辣椒包裹，咬落去帶點微辣，但越食就越辣，有點泰式醬烤雞，雞肉嫩滑，旁邊還有些炸粗薯。No Sex on the beach糖水味較重，如果淡少少會更好。Strawberry Ginger Martini最仲意佢個薑肉，味道不辣，幾清新。全部份量大碟，而且非常豐富，$400食一個差多有三人份量的套餐真係勁抵食，而且味道又不錯，一定會再encore。