泰嘟嘟

營業中

休息中

嗰日心血來潮好想食泰國野，嗰岩出開大角咀，就搵左呢間個名咁可愛嘅餐廳。首先一定講嘅就係，呢間餐廳嘅裝修真係好靚好出眾！本來完全唔熟大角咀，但見到個裝修真係一望就望到！我地坐嘅枱都係好闊好舒服。我地叫左個通菜、青咖喱同冬蔭公湯，全部都超級好送飯😋😋結果太辣，一人叫左一個椰青。通菜出街食最驚啲菜好油，但呢個感覺啱啱好，同埋仲好有泰式嘅味道，唔係一般大排檔可比！青咖喱入面係勁足料，唔係淨係得啲醬，而冇野可以食。但對我地嚟講有少少太辣😂 不過係好正宗嘅泰國辣，好爽！冬陰公湯我全餐最鐘意就係呢個！酸酸辣辣嘅味就最正！入面仲有好多好多海鮮，超級足料，用黎送飯真係一流😋同埋要讚嘅係上菜嘅速度，本身驚佢有限時會食唔切，結果上菜非常快，欣賞！