影片
更多
2015-06-09
333 瀏覽
今日去試下新開嘅呢間小籠包，平時去開大角咀搵食，火鍋西餐漢堡東南亞日本四川都有，嗰度就係缺咗呢類上海野。地點就近滙豐，角祥街蜆殼油站對面，好易搵。一打開個餐牌，類別其實不多，小食五款，麵類五款，明顯是主打貴精不貴多，心諗: 好！就叫幾個手工野，睇你有咩咁巴閉！特製醬汁椒鹽雞翼：雞翼炸得剛剛好，外脆內嫩，過關；個醬係幾好野嘅，酸甜蒜香，幾惹味開胃。生煎包：有麻辣牛肉同普通餡，包皮真係脆，夠薄又唔油，一咬落去會噴汁，食嘅時候要好小心。小籠包：鋪頭兩大精選之一，皮薄，多汁，呢兩樣係必要唔駛講啦，最重要係唔膩口，我食幾隻都唔駛落醋，完全冇油膩感，果然好野。冰火冷麵：甜酸苦辣鹹加麻，肉末香口，平衡得好，醬汁剛剛好，唔會太多或者太乾，太乾唔夠味，太多最後一啖會太重味，呢下唔係間間得。慶麵：同鋪頭名一樣，重唔係主打？就咁睇，配料有蘿蔔，豆卜，肉末，京蔥絲同餃子，湯係帶少少奶白。先飲湯，一個字：堅！豬骨底，加上有啲鮮味，好好飲！蘿蔔，豆卜，都係吸湯食料，兩樣都可以發揮到啲湯嘅鮮甜；再黎精彩係隻餃子，唔係一般行貨豬肉餃，係魚肉餃，好鮮好好食！呢餐都幾驚喜，睇落係普通一間細鋪，食落唔講以為係啲出名大鋪。俾
地點就近滙豐，角祥街蜆殼油站對面，好易搵。
一打開個餐牌，類別其實不多，小食五款，麵類五款，明顯是主打貴精不貴多，心諗: 好！就叫幾個手工野，睇你有咩咁巴閉！
特製醬汁椒鹽雞翼：雞翼炸得剛剛好，外脆內嫩，過關；個醬係幾好野嘅，酸甜蒜香，幾惹味開胃。生煎包：有麻辣牛肉同普通餡，包皮真係脆，夠薄又唔油，一咬落去會噴汁，食嘅時候要好小心。
小籠包：鋪頭兩大精選之一，皮薄，多汁，呢兩樣係必要唔駛講啦，最重要係唔膩口，我食幾隻都唔駛落醋，完全冇油膩感，果然好野。
冰火冷麵：甜酸苦辣鹹加麻，肉末香口，平衡得好，醬汁剛剛好，唔會太多或者太乾，太乾唔夠味，太多最後一啖會太重味，呢下唔係間間得。
慶麵：同鋪頭名一樣，重唔係主打？就咁睇，配料有蘿蔔，豆卜，肉末，京蔥絲同餃子，湯係帶少少奶白。先飲湯，一個字：堅！豬骨底，加上有啲鮮味，好好飲！蘿蔔，豆卜，都係吸湯食料，兩樣都可以發揮到啲湯嘅鮮甜；再黎精彩係隻餃子，唔係一般行貨豬肉餃，係魚肉餃，好鮮好好食！呢餐都幾驚喜，睇落係普通一間細鋪，食落唔講以為係啲出名大鋪。俾錢時咁啱老闆兼大廚(都幾有型)收錢，讚佢幾句，佢就話啲包同餃係朝早開鋪前先包，日日新鮮，賣唔晒就掉，唔隔得夜；另外麵湯係十幾種料煮兩日而成，唔怪之得咁鮮味。跟住就係最後一個驚喜，就係呢度啲食物價錢好街坊價，個人覺得直頭係超值。
希望佢呢啲好店可以繼續做落去，keep 到水準，唔好俾地主趕走啦，我好想繼續有得食呀！
張貼
