影片
更多
2022-12-28
42 瀏覽
嚟到大角咀嘅港灣豪庭搵食，商場唔算大。喺街鋪搵到間叫海灣茶居嘅點心店，下午茶時段啲點心平均都係十幾二十蚊 ，決定試吓有冇伏。◻️港灣柴魚魚肚粥口感綿滑，一路食會食到柴魚同魚肚，但魚肚唔算好多，但呢個價錢嚟講食完有飽肚嘅感覺，唔錯。◻️黑松露北菇燒賣皇(2粒)月滿晶瑩蝦餃皇(2粒)因為我平時都唔食茶樓嘅蝦餃燒賣，但朋友好想食，所以每樣點左兩粒，睇得出呢度嘅選擇好彈性，蝦餃皮薄餡靚，燒賣加埋黑松露都幾特別。◻️櫻花蝦蘿蔔絲酥全餐飯最滿意嘅點心，嚟到嘅時候溫度微暖，蘿蔔絲刨得好幼，好鬆脆😋◻️香煎蘿蔔糕蘿蔔糕煎得幾香脆，口感唔鬆散，$18/3件性價比極高！◻️車仔腸粉大大碟腸粉都係$15，四種醬汁任君選擇，配埋柴魚粥食其實幾抵同清淡。◻️大良薑汁雙皮奶10幾蚊碗性價比好高，但面頭冇預期中嗰層奶皮，味道唔錯，呢個價錢嚟講收貨！整體嚟講呢間點心店都真係好抵食，環境比較幽靜，適合同朋友飲茶慢慢吹水。
嚟到大角咀嘅港灣豪庭搵食，商場唔算大。喺街鋪搵到間叫海灣茶居嘅點心店，下午茶時段啲點心平均都係十幾二十蚊 ，決定試吓有冇伏。
◻️港灣柴魚魚肚粥口感綿滑，一路食會食到柴魚同魚肚，但魚肚唔算好多，但呢個價錢嚟講食完有飽肚嘅感覺，唔錯。
◻️黑松露北菇燒賣皇(2粒)月滿晶瑩蝦餃皇(2粒)
因為我平時都唔食茶樓嘅蝦餃燒賣，但朋友好想食，所以每樣點左兩粒，睇得出呢度嘅選擇好彈性，蝦餃皮薄餡靚，燒賣加埋黑松露都幾特別。
◻️櫻花蝦蘿蔔絲酥全餐飯最滿意嘅點心，嚟到嘅時候溫度微暖，蘿蔔絲刨得好幼，好鬆脆😋
◻️香煎蘿蔔糕蘿蔔糕煎得幾香脆，口感唔鬆散，$18/3件性價比極高！
◻️車仔腸粉大大碟腸粉都係$15，四種醬汁任君選擇，配埋柴魚粥食其實幾抵同清淡。
◻️大良薑汁雙皮奶10幾蚊碗性價比好高，但面頭冇預期中嗰層奶皮，味道唔錯，呢個價錢嚟講收貨！
整體嚟講呢間點心店都真係好抵食，環境比較幽靜，適合同朋友飲茶慢慢吹水。
張貼
