吉勝吉列串揚專門店

營業中

休息中

今日朋友去左大角咀做野，要我過去陪佢食飯，平時好少入去， 原來大角咀都好多野食。見到有間日本野門面幾啱feel, 就入左去。難得一場黎到，嗌多d野食先先黎個牛油果沙律， 成大半個牛油果係面，十分足料。然後再黎個刺身拼盤，拼盤擺得好靚， 有帶子，三文魚，大大隻蝦，八爪魚同埋油甘魚。 厚切，美味，滿足。再黎個吉烈豬扒凍烏冬， 有豬扒醬， 有芝麻，有碗比你磨芝麻。 夠哂儀式感 ，可以比得上出面嘅吉烈豬扒專門店。吉豬外脆內juicy, 烏冬夠韌度。又是正。牛油瓜軟殼蟹卷擺得靚，食落都正。醬燒年糕又一驚喜， 係日本食過麻麻地，哩到食，外脆內軟，有燒過嘅香味， 值得一試。角切雜錦魚生丼，魚生大大粒，撈勻食，大大啖，大滿足。芝麻雞翼脆卜卜。。點整到咁脆嘅呢?我猜唔透。。最後的章魚小丸子，不過不失。