影片
更多
2022-08-19
3052 瀏覽
餐廳：高橋沾麵製作所 (大角咀)地址：大角咀海庭道18號奧海城2期1樓大食代5號舖有時候諗唔到食咩，去Food Court都喺一個幾好嘅選擇🍽，一個地方有10間8間餐廳俾你揀，而且價錢又唔貴，冇人嗰陣仲可以坐耐啲添🤪去咗大角咀奧海城2期呢間由日本大廚高橋先生同松浦先生共同主理嘅高橋沾麵製作所 @takahashi.hk 食晏，佢哋將東京池袋嘅正宗日本沾麵帶到黎香港🍜，加上用咗唔少日本材料同麵條，日式地道滋味𣊬間提升🇯🇵佢哋嘅拉麵同沾麵價錢相當抵食，最平嘅高橋拉麵$36就有，最高級嘅龍蝦配廣島蠔沾麵都係$98，午市時段仲額外加送叉燒，梗喺唔可以錯過😋✝️極上3L廣島蠔䐁骨拉麵 $79兩件超級大隻嘅廣島蠔，有半隻手掌嘅大小，咬落雖然皮厚但好酥脆，蠔肉都幾大粒而且新鮮肉汁尚算豐富🦪。豚肉煮腍之後切片再燒香🔥，雖然唔係厚切但喺有五塊都算多，有陣陣焦香，肉同脂肪嘅比例我覺得啱啱好👍。麵底用咗日式幼麵，湯底有香醇而唔會太濃鹹嘅豚骨香，我幾鍾意💕✝️豚肉魚介沾麵 $66所謂嘅魚介，即喺用咗各式乾魚磨成粉，再加上用豚肉配搭熬製出嚟嘅湯頭，獨特而豐富嘅鰹魚味道，一放入口就食到甜而濃郁嘅鮮香，不過個人就覺得重
地址：大角咀海庭道18號奧海城2期1樓大食代5號舖
有時候諗唔到食咩，去Food Court都喺一個幾好嘅選擇🍽，一個地方有10間8間餐廳俾你揀，而且價錢又唔貴，冇人嗰陣仲可以坐耐啲添🤪
去咗大角咀奧海城2期呢間由日本大廚高橋先生同松浦先生共同主理嘅高橋沾麵製作所 @takahashi.hk 食晏，佢哋將東京池袋嘅正宗日本沾麵帶到黎香港🍜，加上用咗唔少日本材料同麵條，日式地道滋味𣊬間提升🇯🇵
佢哋嘅拉麵同沾麵價錢相當抵食，最平嘅高橋拉麵$36就有，最高級嘅龍蝦配廣島蠔沾麵都係$98，午市時段仲額外加送叉燒，梗喺唔可以錯過😋
✝️極上3L廣島蠔䐁骨拉麵 $79
兩件超級大隻嘅廣島蠔，有半隻手掌嘅大小，
咬落雖然皮厚但好酥脆，蠔肉都幾大粒而且新鮮肉汁尚算豐富🦪。
豚肉煮腍之後切片再燒香🔥，雖然唔係厚切但喺有五塊都算多，有陣陣焦香，肉同脂肪嘅比例我覺得啱啱好👍。麵底用咗日式幼麵，湯底有香醇而唔會太濃鹹嘅豚骨香，我幾鍾意💕
✝️豚肉魚介沾麵 $66
所謂嘅魚介，即喺用咗各式乾魚磨成粉，再加上用豚肉配搭熬製出嚟嘅湯頭，獨特而豐富嘅鰹魚味道，一放入口就食到甜而濃郁嘅鮮香，不過個人就覺得重口味咗少少🤏。
將涼浸浸嘅日式粗麵放入熱到「滋滋聲」嘅湯底，浸一浸夾起嚟食，彈牙煙嘅韌麵條帶住半冷半熱嘅溫度，難怪咁多人會鍾意食沾麵啦😎
張貼
