石一燒 (富多來新邨一期) (已結業)

大角咀富多來商場一向都好多好出名嘅小店，今日見天氣涼涼哋就同朋友試下喱間叫石一燒嘅燒肉店。石一燒喺大角咀區都好出名，所以晚餐時間都好多人，好彩我朋友有book到位😜喺旺角站過嚟都唔算好遠大約15分鐘內會到，如果奧運站過嚟就再近啲10分鐘左右就到啦☺️👍🏻店內嘅裝修都係舒服簡約風，雖然舖頭入面唔係好大，但都好寬敞乾淨😚由於我哋懶得諗食咩，所以就揀咗極上和牛盛會二人前，除咗肉之外，仲有飯、湯、沙律、甜品，非常豐富抵食👍🏻前菜方面有甜蕃薯、牛蒡絲、辣帶子裙邊，好開胃，用嚟送酒食真係好唔錯😋櫻花蝦味噌湯比平時嘅味噌湯更加清新，無咁鹹，而且非常足料👍🏻澳洲和牛封門柳澳洲和牛係三款牛入面最厚嘅，肉質好鮮嫩，牛味好濃郁，個人最鍾意喱款，食牛鍾意有口感嘅朋友一定要試😋日本九洲A4和牛三角胸喱款牛嘅肉質同脂肪比例都做得好平均，肉質相對較稔🤤日本和牛上前腿肉三隻牛入面油脂感最重，真係做到入口即溶，又夠嫩滑，配埋飯素飯食真係一流😝👍🏻甜品方面係可以自己DIY嘅綠茶雪糕，加水落綠茶粉，攪勻再加落雪糕食。綠茶味好香濃，第一次食可以自己整嘅綠茶雪糕，好特別😽👍🏻