La Vigne (已結業)

香港的西餐多得不計其數，而有食物質素既就真係要諗諗，我敢講【La Vigne】一定係其中一間，暗黃的燈光、柔和的音樂，坐得特別舒服。《紫椰菜薯蓉忌廉湯》我對紫椰菜充滿好奇心，亦係第一次試紫椰菜湯，顔色好似紫薯，帶有一種清甜味道，混入薯蓉忌廉，口感變得十分Creamy，食到好香的薯蓉泥，再配上香脆的蒜蓉包，呢個餐湯可以講係超高質。《香烤蜜糖無骨春雞 $158》跟餐加$20可以加配餐湯、沙律、飲品及甜品，超級抵食。餐廳好細心地將春雞切半再起骨，方便進食，以香料和蜜糖腌製，肉汁多、肉質嫩滑，雞胸部位一d都唔老，配埋醬汁更添風味。《加拿大比目魚扒 $168》是日精選有三文魚扒，不過感覺比目魚更有特色~魚皮煎得金黃香脆，肉質嫩滑但有少少偏水，配上檸檬牛油忌廉汁，另外配菜有粟米芯、翠玉瓜、黃櫛瓜，爽脆多汁。