影片
更多
2018-08-08
39 瀏覽
之前潮流興雞煲，所以好多人得閒就去周圍食雞煲，但係後期越做越濫，好多都做到遜色咗~ 前排我朋友生日，話想食雞煲！講到明生日，就梗係唔會求其去啲咁大路嘅雞煲店啦🤣 搵咗好耐，決定試吓大角咀呢間叫「前家樂」既雞煲店😍 其實之前聽過親戚講過，呢間雞煲質素幾好，所以膽粗粗，就去試下😊 我朋友要求不嬲都高，尤其是成日食雞煲嘅佢，把口好腌尖，所以我去之前都同佢講定，我哋係去試吓先，唔好食唔好嬲🤣🤣差不多時間，我哋都到齊，鋪頭都算幾乾淨，超級大，有好多座位，但係座位都好闊落，唔會設計到枱同枱之間好近，唔會行都行唔到~ 我哋兩個人去，老闆竟然安排左一個四人座位俾我哋，太誇張🙈 雞煲選擇好多，我朋友就話生日梗係試新野，所以佢就揀咗醉雞! 其實我就真係麻麻地醉雞，因為我本身都唔鍾意飲酒！但係朋友生日大晒，所以就聽佢講啦🤣😂等左大概5分鐘，店員就送咗個煲過嚟，係我地面前開爐整熱啲湯，然後冇耐就低咗醉雞盆過嚟，碟都裝住左醉雞，放低就已經聞到好勁既酒味，即刻「嘩」左一聲，心諗，好醉下🤣 店員同我講，唔使擔心，食落會好好食👍🏻 咁先冇咁擔心🙈 等咗大概2分鐘左右，湯終於滾左可以食得！店員好細心咁幫我地將啲雞逐件逐
搵咗好耐，決定試吓大角咀呢間叫「前家樂」既雞煲店😍 其實之前聽過親戚講過，呢間雞煲質素幾好，所以膽粗粗，就去試下😊 我朋友要求不嬲都高，尤其是成日食雞煲嘅佢，把口好腌尖，所以我去之前都同佢講定，我哋係去試吓先，唔好食唔好嬲🤣🤣
差不多時間，我哋都到齊，鋪頭都算幾乾淨，超級大，有好多座位，但係座位都好闊落，唔會設計到枱同枱之間好近，唔會行都行唔到~ 我哋兩個人去，老闆竟然安排左一個四人座位俾我哋，太誇張🙈
雞煲選擇好多，我朋友就話生日梗係試新野，所以佢就揀咗醉雞! 其實我就真係麻麻地醉雞，因為我本身都唔鍾意飲酒！但係朋友生日大晒，所以就聽佢講啦🤣😂
等左大概5分鐘，店員就送咗個煲過嚟，係我地面前開爐整熱啲湯，然後冇耐就低咗醉雞盆過嚟，碟都裝住左醉雞，放低就已經聞到好勁既酒味，即刻「嘩」左一聲，心諗，好醉下🤣 店員同我講，唔使擔心，食落會好好食👍🏻 咁先冇咁擔心🙈 等咗大概2分鐘左右，湯終於滾左可以食得！店員好細心咁幫我地將啲雞逐件逐件放入~ 您知啦，外面好多時呢啲雞煲都係要自己自助🙄所以覺得呢間服務好周到🤣 係等嘅途中我哋叫咗幾個配料，包括芝士竹輪，肥牛同麵😍
啲餸都上得好快，同埋都算大份😍 我哋等左5分鐘左右，醉雞就已經可以食，一打開蓋，我就問到超級香嘅醉雞味！我見到我朋友超級興奮，因為以前食嘅雞煲都唔係呢種感覺。一咬落口，超鮮甜既雞肉，一咬就散開，汁都流岀黎，唔同一般雞煲，乾爭爭咁既感覺，我覺得好神奇，完全唔覺得食到重酒味😱最令我驚訝嘅係，我試咗一啖湯，覺得非常好飲，好似飲緊燉湯咁，有少少中藥嘅感覺，好健康，但係又唔似中藥藥材，好似煲咗好耐嘅雞湯精華咁，太好飲啦！又冇味精，我見到我朋友食得好開心，係咁話好食好食，可能係佢咁嘴刁都未食過一間醉雞煮得咁好食嘅，所以異常興奮🤗
店員周不時會過嚟教下我哋點樣食，仲幫我地續啲續啲咁樣放啲雞入煲~服務真心好👍🏻 我哋另外試咗芝士竹輪，肥牛同面條~ 芝士竹輪令我最驚嘆，佢睇落冇乜特別，好似平時食開嘅竹輪，但一咬就爆晒啲芝士出嚟，芝士仲要係流心芝士，食到我地嘩嘩聲，好surprise😍我哋仲要食完再叫，太高質啦！至於雪花肥牛，都好新鮮，切得細，所以入口即溶😍 面呢，同韓國食嘅面好相似，因為我哋最後先食麵，所以全個煲嘅湯都係精華，再放麵落去，煮一陣，就已經好似人哋外面食百幾蚊既韓國湯麵set咁有價值，湯嘅精華深入面到，簡直入味到我哋大家都叫多咗一個再嘆~
食完，大家都好飽，我朋友最開心，因為佢生日，可以試到好食嘅醉雞煲！佢都估唔到自己會愛上醉雞煲，我估其實都好難喺其他地方搵到，因為真心食得出食店嘅細心同對雞煲嘅執着。而我，梗係超級開心啦，因為可以比到一個生日禮物嘅驚喜我朋友，比起名牌等等佢覺得呢個surprise最特別😍
張貼
