影片
更多
2022-05-09
552 瀏覽
早兩星期終於可以夜晚出街食飯，好耐冇去打邊爐嘅我哋緊係要烚番場先啦。約咗去地方四正嘅川流食喱餐，放題點心就食過打邊爐唔知正唔正呢！坐底餐廳即刻送嚟兩樣免費嘅特飲，喱杯係麻辣荔枝烏龍入落去係烏龍茶味，隔一陣有啲啲辣喺喉嚨頂道滲出嚟好頂瘾。另一杯係茉莉花香橙蜜桃，喱杯好清新有初戀嘅感覺。第一次見喱個好似條橋嘅醬料架，入面擺咗好多種唔同嘅醬料，自己揀鍾意嘅好似生蒜、沙嗲醬、麻醬呢啲唔辣嘅就啱晒我。除咗醬料之外仲有四款餐食泡菜、麻辣爆谷、毛豆同埋花生好啱用嚟送酒。老婆大人每次嚟都要食喱道嘅家鄉煙燻臘肉胡椒餅，今日一試果然出色嗰朕胡椒香味真係好正。仲叫多兩樣涼菜食住等嗰鍋，蒜泥白肉用咗本地黑毛豚嚟整食落又幾鬼滑喎，蒜香汁甜甜香香唔會好辣我都食到。喱碟係自家製北川涼粉夏天食真係爽爆，麻辣汁都唔算勁辣我食面頭嗰啲都頂得順。大家都鍾意食雞整番個三十三香辣火焰醉雞鍋嘆吓先，嚟到嘅時候再倒入玫瑰露即刻成間房都香晒，如果唔想要玫瑰露其實仲有干邑、冧酒可以揀，喱隻醉雞好夠味仲好滑嘟嘟不過都幾辣好惹味。而打邊爐我哋揀咗個鴛鴦湯底酸菜魚鍋配真菌番茄豆腐濃湯鍋，真菌番茄豆腐濃湯鍋夠香甜淥菜同海鮮食就最正。酸菜魚鍋湯
約咗去地方四正嘅川流食喱餐，放題點心就食過打邊爐唔知正唔正呢！
坐底餐廳即刻送嚟兩樣免費嘅特飲，喱杯係麻辣荔枝烏龍入落去係烏龍茶味，隔一陣有啲啲辣喺喉嚨頂道滲出嚟好頂瘾。
另一杯係茉莉花香橙蜜桃，喱杯好清新有初戀嘅感覺。
第一次見喱個好似條橋嘅醬料架，入面擺咗好多種唔同嘅醬料，自己揀鍾意嘅好似生蒜、沙嗲醬、麻醬呢啲唔辣嘅就啱晒我。
除咗醬料之外仲有四款餐食泡菜、麻辣爆谷、毛豆同埋花生好啱用嚟送酒。
老婆大人每次嚟都要食喱道嘅家鄉煙燻臘肉胡椒餅，今日一試果然出色嗰朕胡椒香味真係好正。
仲叫多兩樣涼菜食住等嗰鍋，蒜泥白肉用咗本地黑毛豚嚟整食落又幾鬼滑喎，蒜香汁甜甜香香唔會好辣我都食到。
喱碟係自家製北川涼粉夏天食真係爽爆，麻辣汁都唔算勁辣我食面頭嗰啲都頂得順。
大家都鍾意食雞整番個三十三香辣火焰醉雞鍋嘆吓先，嚟到嘅時候再倒入玫瑰露即刻成間房都香晒，如果唔想要玫瑰露其實仲有干邑、冧酒可以揀，喱隻醉雞好夠味仲好滑嘟嘟不過都幾辣好惹味。
而打邊爐我哋揀咗個鴛鴦湯底酸菜魚鍋配真菌番茄豆腐濃湯鍋，真菌番茄豆腐濃湯鍋夠香甜淥菜同海鮮食就最正。
酸菜魚鍋湯底味道係醇香嘅碟魚片都好新鮮，我哋仲叫多碟白鱔嚟食喱個鍋添。
海鮮仲嗌咗大大隻蟶子皇輕輕一拖就食得，質地好鬼爽脆仲勁鮮甜冇嗌錯呀。
松茸野菌福袋面頭會吸晒湯底嘅味道，所以放入菌番茄豆腐濃湯就最啱key喇。
千張真係要食麻辣先對口，不過我唔辣得放酸菜魚鍋都唔錯。
什丸拼盤入面有筋彈牙牛丸、芝士包心丸月同埋香菇貢丸，我就食咗筋彈牙牛丸掂喎勁有咬口仲好有牛味添。
到牛迷最期待嘅時候嗌咗個牛魔王拼盤貪佢樣樣有啲，有A5和牛、雪花肥牛、手切牛肉同埋牛頸脊，咁多款嘅牛肉質素都相當唔錯我就最鍾意油花十足嘅A5和牛喇。
飽肚嘢有韭菜豬肉餃同埋寬粉食完就飽晒勁滿足。
最後先食菜雖然唔健康不過我覺得最好食，喱個什錦菜籃有好多種菜喺入面選擇多多好正㗎，食飽飽同老婆大人拍拖搭叮叮去中環轉車回家。
川流
電話：31266633
地址：灣仔太和街28號灣仔薈賢居地舖
張貼
