Grubers (已結業)

等男友人放左工，揀呢間食晚餐。6點半黎到無乜人，環境唔錯，枱同枱之間唔會太逼，我地坐二人梳化卡位，坐入去覺得同張枱好貼，都幾逼，長腳人士坐返出面啲枱會好啲。全間舖嘅店員好young，有啲驚驚青青咁。我驚太飽叫左個single，男友人就要double，兩個都係松露漢堡餐，買完野食擺個pager喺枱就有人送過黎。個包到左都分唔到邊個先係single，色裝淨係貼住truffle，要打開先知。咬落第一啖真係好正，好香松露味，個汁都好夾，而且一路食個包唔會散開哂，不知不覺就食哂，好味！到個sexy薯條，好似話會有粟米味，但我就食唔出有，不過都好食嘅，扁扁地幾有新鮮感。餐飲方面選擇唔多，得可樂同凍檸茶唔洗加錢，其餘都要加10蚊以上，我唔鍾意飲可樂就焗揀檸茶，其實我都麻麻地飲凍野，有熱飲揀會更好囉，叫左少冰(5粒冰)，因為無得走冰嘅，味道剛剛好，杯野本身唔甜，味道教得唔錯，男友人嗰杯係正常冰(10粒冰)，飲左一半已經淡哂。其實都有得自助斟水，整體感覺好ok!