影片
更多
2015-11-09
688 瀏覽
珍寶龍蝦仔牛角酥配薯條(set，跟飲品 $128）喺大坑京街有一間西餐廳，司令認為非常值得推介，叫做The Pudding Nouveau。今次司令試左兩個set，一款甜品，司令就覺得每樣都需要同大家分享一下。講左第一樣熱食先，就係珍寶龍蝦仔牛角酥配薯條。首先唔理有冇薯條，司令見到龍蝦仔牛角酥已經好吸引。 味道方面，滿滿既龍蝦仔撈埋蛋白醬，再配上生菜同生蕃茄，未食都知好味，再配埋牛角酥。無論係口感定味道上，都變得豐富左。口感上層次分明，龍蝦既彈牙，牛角酥既鬆脆同埋菜既爽口，格外調和。而味道上，大家既味道配合一齊，似係一場大演奏咁，少左任何一樣食材都唔得！雖然食牛角酥會食到人「呢咁hea」，但為左美食，犧牲少少食相又有咩好怕wo!😆而薯條方面，炸得酥脆金黃，係司令最愛既脆度！😏配薯條既sauce， 帶一點黑松露既香氣，每食一啖，個口都好香，又唔膩，絕對有幸福既感覺😍😍成個菜簡直係司令大愛！P.S. 司令覺得份量都幾大，細食既女仔可以同三五知己share食咁就唔洗做大嘥鬼喇！輪到第二樣熱食，就係法式油浸鴨腿配窩夫。窩夫呢樣野，司令通常都係食甜品個時先大派用場，配生果、配雪糕呀！但呢度竟然用
珍寶龍蝦仔牛角酥配薯條(set，跟飲品 $128）
喺大坑京街有一間西餐廳，司令認為非常值得推介，叫做The Pudding Nouveau。今次司令試左兩個set，一款甜品，司令就覺得每樣都需要同大家分享一下。
講左第一樣熱食先，就係珍寶龍蝦仔牛角酥配薯條。首先唔理有冇薯條，司令見到龍蝦仔牛角酥已經好吸引。 味道方面，滿滿既龍蝦仔撈埋蛋白醬，再配上生菜同生蕃茄，未食都知好味，再配埋牛角酥。無論係口感定味道上，都變得豐富左。口感上層次分明，龍蝦既彈牙，牛角酥既鬆脆同埋菜既爽口，格外調和。而味道上，大家既味道配合一齊，似係一場大演奏咁，少左任何一樣食材都唔得！雖然食牛角酥會食到人「呢咁hea」，但為左美食，犧牲少少食相又有咩好怕wo!😆而薯條方面，炸得酥脆金黃，係司令最愛既脆度！😏配薯條既sauce， 帶一點黑松露既香氣，每食一啖，個口都好香，又唔膩，絕對有幸福既感覺😍😍成個菜簡直係司令大愛！
P.S. 司令覺得份量都幾大，細食既女仔可以同三五知己share食咁就唔洗做大嘥鬼喇！
輪到第二樣熱食，就係法式油浸鴨腿配窩夫。窩夫呢樣野，司令通常都係食甜品個時先大派用場，配生果、配雪糕呀！但呢度竟然用窩夫嚟配鴨脾，司令真係第一次咁食。
窩夫外脆內軟，本身有輕微甜味，再配上附上既蜂蜜，係甜品無疑！但神奇既係，配上鴨脾同蛋汁，意外中既配合，天衣無縫！如果配既係飯或意粉都絕對唔會比窩夫更適合。鴨脾方面，由於要配窩夫食可能會對食開淡味既朋友嚟講偏鹹，但司令都接受到！鴨脾因為以油浸方面去煮熟，所以外表唔會乾，香脆但又有肉汁，肉質嫩而鮮美。而且因配合蛋汁，令口感更加濕潤，並唔會因為配埋窩夫覺得口乾。非常特別既一道菜，兩款熱食都正中司令下懷，無論口感上定味道上，司令都難以挑剔！
飲品方面，每一個set，可以跟一杯飲品，司令叫左杯青檸薄荷梳打同抹茶奶昔。
Fresh lime mint soda
酸酸既青檸配上薄荷同梳打，十分之配合。每飲一啖，先嚟既會係青檸酸酸既味道，然後會淡淡喺口腔散發出薄荷既香氣，十分清新。
抹茶奶昔
淡淡嘅抹茶奶香，上面再配上一球抹茶雪糕，兩者非常配合得天衣無縫，整體不會過甜，茶嘅微澀仲可以帶走食物嘅油膩。司令覺得即使係平時唔太愛抹茶嘅人都會喜歡。
由於本身飲品都有好多選擇，司令下次去一定要試埋咖啡同茶。因為茶類十分之吸引，而且餐廳內有淡淡既咖啡香，相信唔會差既！
甜品方面，tiramisu本身司令，唔太識欣賞，因為好多tiramisu手指餅浸完咖啡後既口感太淋，司令覺得唔太討好。
但呢度既tiramisu如眾不同，不但同傳統既tiramisu唔同，同埋佢竟然冇個種一咬就淋既感覺，全因為呢度係手指餅係自家制，多左一份牛油香。而且本身蛋糕方面標榜係用意大利雞蛋做出嚟既，特別香濃同creamy，顏色方面都比其他更黃更深色！ 配合雲呢拿雪糕同埋餅乾脆脆，加埋淡淡咖啡香，非常好味同有口感！搞到平時唔好tiramisu既司令都唔覺意食晒！而且食完個tiramisu，司令更加想試下佢地既咖啡。
P.S. 想試既朋友，建議早啲食。因為餐廳位置較少。司令當時晚上七點零四分，已經完全坐晒！
張貼
