影片
更多
2008-10-03
53 瀏覽
小金魚除了生病之後是不太愛吃粥的。小金魚傷風剛好了一點，口淡淡的又不能吃太濃味的東西，便想起好耐都無食過海皇粥店的炸兩，剛巧屋企附近就有一間，便決定去食個早餐。雖然今日仍是上班日子，但是居然仍有頻多人幫襯，不過我很快就找到位，叫了：炸兩(HKD13.00)：以前叫炸兩好似是要等耐D，今次就唔洗，但係我一見碟炸兩已經想講，"嘩，雖然依家乜都貴啫，都唔洗攪成咁吖嘛，呢碟野都成十三蚊喎"，點解我會咁講，係因為碟炸兩睇上去份量好似無變到(我估大約係用一條半的油炸鬼整成啦)，但係條油炸鬼就細咗同扁咗，一個字形容"削"，我記得以前食時D油炸鬼係一個好靚的圓形，又香又脆，但係今次呢碟就係一個0形打橫咗咁，仲係脆脆地，但係食落去已經無咁有咬口，我唔知佢地普通叫個D油炸鬼係咪咁，但係呢碟炸兩真係叫我好失望囉。點知個粥仲衰‧豬紅艇仔粥(HKD18.00)：我一向都鐘意食艇仔粥，貪佢料多，而且我都幾鐘意食豬紅(本嚟想叫皮蛋，但係有次試過食佢地將隻皮蛋完隻上，切都唔切下，所以唔敢再叫，費時煩)，但係今次呢碗粥真係超難食。粥底糊糊黏黏的(但係又唔係綿個種喎)，而唔好話無米香同鮮甜味(連味精個隻假的鮮甜味都欠奉)
小金魚傷風剛好了一點，口淡淡的又不能吃太濃味的東西，便想起好耐都無食過海皇粥店的炸兩，剛巧屋企附近就有一間，便決定去食個早餐。
雖然今日仍是上班日子，但是居然仍有頻多人幫襯，不過我很快就找到位，叫了：
炸兩(HKD13.00)：以前叫炸兩好似是要等耐D，今次就唔洗，但係我一見碟炸兩已經想講，"嘩，雖然依家乜都貴啫，都唔洗攪成咁吖嘛，呢碟野都成十三蚊喎"，點解我會咁講，係因為碟炸兩睇上去份量好似無變到(我估大約係用一條半的油炸鬼整成啦)，但係條油炸鬼就細咗同扁咗，一個字形容"削"，我記得以前食時D油炸鬼係一個好靚的圓形，又香又脆，但係今次呢碟就係一個0形打橫咗咁，仲係脆脆地，但係食落去已經無咁有咬口，我唔知佢地普通叫個D油炸鬼係咪咁，但係呢碟炸兩真係叫我好失望囉。
點知個粥仲衰‧
豬紅艇仔粥(HKD18.00)：我一向都鐘意食艇仔粥，貪佢料多，而且我都幾鐘意食豬紅(本嚟想叫皮蛋，但係有次試過食佢地將隻皮蛋完隻上，切都唔切下，所以唔敢再叫，費時煩)，但係今次呢碗粥真係超難食。
粥底糊糊黏黏的(但係又唔係綿個種喎)，而唔好話無米香同鮮甜味(連味精個隻假的鮮甜味都欠奉)，佢係連一D味道都無。
艇仔粥的基本材料大約係有水魷、豬皮、碎牛、少少魚蛋(方形個種)<==全部都係無味道，完全唔知自己食緊D乜落口。仲有加咗豬紅，但係D豬紅淋"PATPAT"咁，毫無味道，只有少少怪味同腥味。
成餐早餐我只能用個"差"字嚟形容，尤其係碗粥(無味精 = 無味道)，以前食過都無咁差，唔知點解今次會攪成咁，近年佢地多咗好多D新種類的食物吸引顧客(好似蒸飯~魚蛋~燒賣~奶茶同其他飲品OR健康的蔬菜類粥)，仲有好健康地唔用味精(我估啦~因為我見佢地話係"有營食肆"喎，再加上我個碗無味粥~真係無味精)。食物種類多咗，反而令食物質素變得咁差，價錢卻不斷地增加(HKD31.00食個早餐，都幾貴，早知食麥當當，至少唔會難食先)，我唔知係咪今次我唔好彩，但係短期內都唔會再試啦。
張貼