第二街餐廳 (已結業)

朋友新居入伙，一行四大一小去試吓朋友推介大件夾抵食嘅鋸扒西餐.我地柯打咗兩份五成熟的肉眼扒配薯菜，一份三文魚扒加一份西冷牛扒，仲有朋友推介必試羅宋湯！個羅宋湯真係好正，有辣辣Tabasco 配上香濃蕃茄，仲有三塊牛腩肉係湯裡！我哋份肉眼扒大到好誇張，足足成塊面咁大，仲要係成吋厚！薯角條條香脆，熱辣辣而牛扒我覺得煮得比我要求較生，但最值得一讚係個肉汁，好濃牛肉味配上牛油洋蔥的香味！朋友的三文魚扒同樣出色，成吋厚，焗得皮香肉脆！我哋都胞到抱住個肚！