新竹源越南餐廳

營業中

休息中

人日快樂，同媽咪食晏晝慶祝人日，去左食平時晏晝排長龍既餐廳，因為阿媽早十五分鐘去排隊攞位先，我一點去到門口已經企滿人。入到去咁岩有二人卡位，正，見隔離枱有碗成個水盆咁大既牛肉粉，就問待應係咩黎，佢話係火車頭湯河(二人份)，我地見咁大碗咁誇張就叫左衣個喇。等左五分鐘就有得食，個碗大到好似面盆咁，打卡一流。佢啲料都算多，又有香葉放面，飲落去個湯好甜好清。啲生牛肉又滑，牛丸好重牛味，牛柏葉又夠爽。兩個人食到攬住個肚先食得晒，好抵食。